Sağlamlıq

Hər gün bir ovuc yesəniz, bütün qışı xəstələnməzsiniz

11 Fevral 2018 21:20
0 Şərh     Baxış: 5 903

Tut çox sevilən və faydalı bir meyvədir. Həmçinin onun qurusunun da sağlamlığa olduqca faydası var. Milli.Az ailem.az-a istinadən tut qurusunun insan orqanizminə inanılmaz köməyini sadalayır.

Təbii antibiotikdir

Quru tut dəmir, kalsium, B1, B2 və C vitamini baxımından olduqca zəngindir. Tərkibindəki zəngin vitamin və minerallar sayəsində immuniteti gücləndirir. Qızdırmasalıcı təsirinin olması ilə yanaşı bədəndə təbii antibiotik təsiri yaradır.

Qan artırır

Tərkibindəki zəngin dəmir mineralları sayəsində orqanizmdə qan yaradıcı təsiri var. Qan azlığı müalicəsində quru tutun əhəmiyyətli yeri var. 

Sidikqovucudur

Ac qarına yeyilən bir ovuc quru tut həzm sistemini sürətli şəkildə işlədir. Mədə və bağırsaqların normal işləməsini təmin edərək sidikqovucu xüsusiyyət göstərir.

Bağırsaq qurdlarının tökülməsinə kömək edir

Həzmsizliyi aradan qaldıran quru tut hər gün mütəmadi olaraq istifadə edildikdə bağırsaqlardakı qurdların tökülməsinə kömək edir.

Qaraciyəri gücləndirir 

Quru tutun bir digər faydası da qaraciyərə fayda verməsidir. Qaraciyəri gücləndirən quru tut qaraciyərdən qaynaqlanan xəstəliklərin yaranmasının qarşısını alır.

İmmuniteti gücləndirir

Tərkibində olan xeyli miqdarda C vitamini sayəsində immunitetin güclənməsinə kömək edir. Xüsusilə qış mövsümündə yeyilən 1 ovuc quru tut immuniteti gücləndirərək, xəstəliklərdən qorunmağı təmin edir.

Ürək xəstəliklərindən qoruyur

Damaraçıcı və təmizləyici təsiri olduğundan ürək xəstəliklərinə qarşı qorumanı təmin edir.

Saça və dəriyə faydalıdır

Quru tut qaynadılaraq suyu ilə yuyunduqda saçı və dərini təmizləyir, qidalandırır və canlandırır.

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.