Sağlamlıq

Belə bədən quruluşu olan qadınlar diqqətli olmalıdır! - FOTO

18 Avqust 2017 23:06
9 Şərh     Baxış: 8 633
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Qadınların bədən quruluşunun bir neçə tipi mövcuddur. Onlardan ən tez-tez rast gəlinən tiplər "alma" və "armud"dur.

Milli.Az saglamolun.az-a istinadən bildirir ki, alma bədən quruluşu olan qadının omba və çiyinlərinin eni eyni, beli enli olur. Kökələndə bu qadınlar əsasən qarın nahiyəsindən kökəlir ki, nəticədə bədənin yuxarı hissəsi daha "ağır" görünür.

Armud bədən tipi olan qadınların ombası enli, çiyinləri və döşü dar, beli incə olur. Bu qadınlarda bədənin aşağı hissəsi daha "ağır" görünür.

Piyin qarın nahiyəsində yığılması "alma" bədən tipinin əsas mənfi cəhətidir. Qarın nahiyəsində yığılan piy (visseral piy) daxili orqanları sıxır, onların fəaliyyətini pozur. Bundan əlavə bu piy daha tez qana və həmçinin ürək və qaraciyər kimi orqanlara daxil olur.

"Komsomolskaya pravda"nın məlumatına görə, alman həkimlərinin araşdırmaları göstərib ki, "alma" bədən quruluşu olan qadınlarda infarkt, insult və şəkərli diabet kimi xəstəliklərin riski artmış olur.

Əksinə isə "armud" bədən quruluşu olan qadınlarda bu xəstəliklərin riksi daha aşağı olur ki, omba və sağrı nahiyələrində yığılmış piy sağlamlığa ziyan vurmur.

Beləliklə, bədəniniz daha çox "alma"ya bənzəyirsə, sağlamlığınıza qarşı diqqətli olun, artıq çəki yığmayın.

Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.