Fındıq allergiyası ən çox təsadüf olunan qida allergiyalarının bir növüdür.
Azərbaycan Tibb Universitetinin Tədris Terapevtik Klinikasından Milli.Az-a verilən məlumata görə, aparılan tədqiqatların nəticəsində uşaqların təxminən doqquz faizində fındıq allergiyası aşkar edilib. Allergiya əlamətləri fındıq yedikdən 2 saat sonra ortaya çıxır. Bu əlamətlər allergik şoka qədər irəliləyə bilər.
Ailə anamnezində allergiya olduqda, uşağa ən az 3 yaşına qədər fındıq vermək olmaz. Ailə anamnezində allergiya inkar edildikdə isə 5 yaşa qədər nəfəs yollarında tıxanıqlığa səbəb olma ehtimalına qarşı uşaq fındıq yeyərkən nəzarət altında tutulmalıdır.
Uşağınız fındıq yedikdən sonra allergik reaksiya müşahidə edildiyi təqdirdə təcili həkimə müraciət etmək lazımdır.
Milli.Az