Sağlamlıq

Bu içki 5 XƏSTƏLİKDƏN qoruyur

16 İyun 2017 21:54
0 Şərh     Baxış: 3 350
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Qəhvə bəzi ciddi xəstəliklərin inkişafı riskini xeyli azaldır. Belə qərara Harvard Universiteti alimləri gəliblər.

Milli.Az saglamolun.az-a istinadən bildirir ki, bir neçə il ərzində alimlər 130 min qəhvə sevən insana nəzarət etdikdən sonra aşkar ediblər ki, qəhvənin müntəzəm istehlakı orqanizmi bu xəstəlik və pozulmalardan qoruyur:

1. Neyrodegenerativ xəstəliklər: Alsgeymer və Parkinson xəstəliyi.
Bu xəstəliklər məhz beyinin qocalması ilə bağlıdır. Araşdırmalar göstərib ki, qəhvə beyinin qocalmasını ləngidir.
2. Qaraciyər sirrozu və digər qaraciyər xəstəlikləri.
Alimlər çox təəccüblü fakt aşkar ediblər. Tez-tez qəhvə içən əyyaşlarda qaraciyər sirrozuna daha az hallarda təsadüf edilir. Aşkar olunub ki, qəhvə güclü hepaprotektor (qaraciyər hüceyrələrini qoruyan) xüsusiyyətlərinə malikdir və qaraciyər hüceyrələrini spirtli içkilərin və s. ziyanlı maddələrin təsirinə daha davamlı edir.
Lakin alimlər spirtli içkiləri qəhvə ilə birlikdə içməyi tövsiyə etmir ki, qəhvənin tərkibində olan kofein spirtli içkinin orqanizmə olan təsirini daha da artırır.
Həmçinin qaraciyərin ciddi xəstəlikləri zamanı qəhvənin istehlakı əks-göstəriş sayılır.
3. Qulaqcıqların fibrilyasiyasında (səyrici aritmiya).
Elmi araşdırmaların məlumatlarına əsasən bu yayılmış ürək xəstəliyi qəhvə sevən insanlar arasında daha az təsadüf edilir.
Lakin bu xəstəlik sizdə artıq inkişaf edibsə, qəhvə içmək olmaz.
4. Şəkərli diabet.
Qəhvə mədəaltı vəzinin qlükozaya olan həssaslığını artırır. Bu səbəbdən mədəaltı vəz qanda şəkərin dəyişilməsinə daha davamlı olur və bu da diabetin inkişafı riskini azaldır.
5. Orqanizmin qocalması.
Qəhvə qocalmanın ən yaxşı profilaktik vasitələrindən biri sayılır.
Alimlər gündə 6 fincana qədər təbii qəhvə içməyi tövsiyə edir. Hər insan öz qəhvə "doza"sını təyin etməlidir. Əgər növbəti fincandan 20 dəqiq sonra (qəhvə bu müddətdən sonra təsir etməyə başlayır) nəbziniz və təzyiqiniz hiss olunacaq dərəcədə artıbsa, deməli, bu fincan artıq idi və qəhvənin istehlakını bir qədər azaltmaq lazımdır.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.