Sağlamlıq

Saç tökülməsinin səbəblərindən biri də bu imiş

6 Dekabr 2024 06:06
Baxış: 1 747
VTB-də minimal faiz dərəcəsi ilə nağd kredit 9.9%-dən
#SAĞLAMLIQ

Alkoqol qəbulu və saç tökülməsi arasında əlaqə aşkarlanıb.

Alkoqol qəbulu saç tökülməsinə səbəb ola bilər. Bu nəticəyə Cənubi Koreyanın Pusan Universitetinin alimləri apardıqları tədqiqat əsasında gəliblər. Tədqiqatın nəticələri Oxford Academic jurnalının noyabr sayında dərc olunub. Söhbət qadınlar və kişilər arasında ən geniş yayılmış saç tökülməsi forması olan androgenetik alopesiya xəstəliyindən gedir.

Androgenetik alopesiyada saç tökülməsi alın, gicgahlar və təpə bölgələrində baş verir. Əvvəlki tədqiqatlar bu xəstəliyin əsasən genetik və hormonal amillərlə əlaqəli olduğunu göstərsə də, yeni araşdırma həyat tərzinin də bu problemin yaranmasında böyük rol oynadığını ortaya qoyub.

Tədqiqat nəticələrinə görə, mütəmadi olaraq alkoqol qəbul edən insanlar "kişiyə xas" saç tökülməsi formasından 1,4 dəfə daha çox əziyyət çəkirlər. Mütəxəssislər bunun alkoqolun metabolizmi zamanı yaranan yan məhsul - asetaldehid ilə bağlı ola biləcəyini irəli sürüblər.

Bundan əvvəl Moskva vilayətinin Səhiyyə Nazirliyinin baş psixiatr-narkoloqu Vitali Xoldin bildirib ki, alkoqol qəbulunun psixi xəstəliklərin inkişafını təhrik etdiyi müşahidə olunub. Onun sözlərinə görə, alkoqolizmə düçar olan insanlar arasında şizofreniya bir neçə dəfə daha tez-tez rast gəlinir./baku.ws

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.