İqtisadiyyat

Azərbaycanda valyuta ehtiyatlarının əhəmiyyətli dərəcədə artımı proqnozlaşdırılır

4 Avqust 2021 21:05
Baxış: 1 320
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"Fitch" reytinq agentliyi Azərbaycanda valyuta ehtiyatlarının əhəmiyyətli dərəcədə artımını proqnozlaşdırır.

Milli.Az bildirir ki, bunu Trend-ə agentliyin suveren istiqrazlar şöbəsinin baş direktoru Pol Qembl deyib.

Onun sözlərinə görə, "Fitch"in may ayında Azərbaycanın reytinqi üzrə "BB+" proqnozunu "mənfi"dən "stabil"ə yüksəltməsi ölkənin suveren balansının pandemiyaya və ötənilki neft qiymətlərinin azalmasına dayanıqlığını əks etdirir:

"2020-ci ilin sonunda xarici valyutada suveren aktivlərin həcmi 49,9 milyard dollar təşkil edib ki, bu əvvəlki illə müqayisədə daha yüksəkdir. Xarici maliyyə isə daha yüksək neft qiymətləri ilə dəstəklənir. İyun ayında "Fitch" neft qiymətlərinin bu il 63 dollar/barel, 2022-ci ildə 55 dollar/barel olacağını proqnozlaşdırıb. Bütün bunları nəzərə alaraq proqnozlaşdırırıq ki, 2021-2022-ci illərdə cari əməliyyatlar hesabının profisiti orta hesabla ümumi daxili məhsulun 7 faizini təşkil edicik. Bu isə valyuta ehtiyatlarının əhəmiyyətli dərəcədə artımına gətirib çıxaracaq".

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.