İqtisadiyyat

TAP kompressor stansiyaları üçün qazın satın alınması ilə bağlı tender elan edəcək

11 May 2021 13:34

Baxış: 493

Azərbaycan qazını Avropaya nəql edən Trans-Adriatik boru kəməri (TAP) konsorsiumu kəmərin əməliyyat fəaliyyəti, o cümlədən kompressor stansiyalarının doldurulması üçün zəruri olan qazın satın alınması ilə bağlı tender elan edəcək.

Trend bu barədə TAP AG konsorsiumuna istinadən məlumat verir.

Tender prosesi 2021-ci oktyabrın 1-dən 2022-ci il sentyabrın 30-dək tədarük müddətini əhatə edir.

Tədarük məntəqələri İtaliyanın Melendunyo qəsəbəsində birləşmə nöqtəsi, "Snam Rete Qas" qaz verilişi məntəqəsi, Yunanıstanın Nea Mesimvriya şəhərindəki birləşmə nöqtəsi və virtual TAP (VTP) satış nöqtəsidir.

Tenderə dəvət tender prosesi müddətində açıqlanacaq.

Qeyd edək ki, 2020-ci il dekabrın 21-dən TAP vasitəsilə Azərbaycan qazının Avropaya nəqli başlayıb.

Milli.Az

Milli.Az - Xəbər Portalı

Azernews Newspaper

DİGƏR XƏBƏRLƏR

XƏBƏR LENTİ