İqtisadiyyat

Beynəlxalq Bankın xalis mənfəəti dəfələrlə azalıb

19 Yanvar 2021 21:04
Baxış: 560

2020-ci ildə Azərbaycan Beynəlxalq Bankının (ABB) xalis mənfəəti 2019-cu illə müqayisədə 2,3 dəfə azalıb.

Milli.Az Trend-ə istinadən bildirir ki, ötən il bankın xalis mənfəəti 129,4 milyon manat təşkil edib.

Hesabat dövründə ABB-nin faiz gəliri 406,2 milyon manat, qeyri-faiz gəliri 125,4 milyon manat təşkil edib və 2019-cu illə müqayisədə müvafiq olaraq 8,1 və 12,6 faiz azalıb.

Eyni zamanda bankın faiz xərclər 104,275 milyon manat, qeyri-faiz xərcləri 224,15 milyon manat təşkil edib və müvafiq olaraq 6,2 faiz və 35,3 faiz artıb.

ABB-nin vergiyə qədərki mənfəəti 182,8 milyon təşkil edərək 2019-cu illə müqayisədə 2,05 dəfə artıb.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.