Bakı və Abşeronda təşkil edilən "Kənddən şəhərə" yarmarkası bayram günləri fəaliyyət göstərməyəcək.
Milli.Az bildirir ki, bunu Trend-ə açıqlamasında Kənd Təsərrüfatı Nazirliyinin Aqrar Tədarük və Təchizat Açıq Səhmdar Cəmiyyətinin Mətbuat xidmətinin rəhbəri Mayis Musayev deyib.
Onun sözlərinə görə, yarmarka bu gün axşam saatlarından fəaliyyətini başa vuracaq: "Yarmarkada 34 rayondan 113 fermer iştirak edib və məhsullarını satıblar. Hətta bəzi fermerlər gətirdikləri məhsulları tam satıb qayıdıb".
Milli.Az