İqtisadiyyat

Yanvardan turizm sahəsində vergi güzəştləri tətbiq oluna bilər

4 Dekabr 2019 12:12
0 Şərh     Baxış: 945
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Turizm xidməti göstərən şəxslər və bu sahə üzrə yeni fəaliyyətə başlayan şəxslər üçün vergi güzəştlərinin tətbiqi nəzərdə tutulub.

Milli.Az Trend-ə istinadən bildirir ki, bunu Azərbaycan Turizm Bürosunun Baş icraçı direktoru Florian Zenqstşmit Azərbaycan Hotel Assosiasiyasının II Baş Assambleyasında çıxışı zamanı deyib.

F.Zenqstşmitin fikrincə, vergi güzəştlərinin tətbiqi ölkədə turizm biznesinin inkişafına böyük töhfə verəcək.

O hesab edir ki, "Turizm haqqında" qanun layihəsinin qəbulu nəticəsində gələn il ərzində çoxlu müsbət dəyişikliklər baş verəcək.

F.Zenqstşmitin sözlərinə görə, Azərbaycan turizmi dünyada ötən ilə nisbətən daha yaxşı tanınır. İnternet texnologiyalarının tətbiqi və mətbuatda aparılan təşviqat bu işə töhfə verib.

İcraçı direktor əlavə edib ki, Şəkidə, Lənkəranda aparılan sorğuların nəticələrinə əsasən, ən aşağı məmnunluq səviyyəsi aviabiletlərin qiyməti, yerli səyahət bazarı və nəqliyyat sisteminin keyfiyyəti ilə bağlıdır: "Bu sahədə inkişafın baş verməsinə ehtiyac var. Buna nail olmaq, bu sahədə tövsiyələrin verilməsi üçün növbəti illərdə birgə əməkdaşlığın qurulması qarşıda duran əsas vəzifələrdəndir".

F.Zenqstşmit bildirib ki, yaradılacaq turizm reyestri xarici partnyorlara daxili bazarı əyani şəkidə təsvir etməyə imkan verəcək: "Məlumat bazasının yaradılması vacibdir. O da qeyd edilməlidir ki, bu bazanın vaxtaşırı yenilənməsi də vacibdir. Bu, bizim əsas məqsədlərimizdən biridir. İnnovasiya və texnologiyanı inkişafımızda diqqətimizdə saxlamalıyıq. Biz Azərbaycanda bu sahədə geri qalmamalıyıq, amma bu gün innovativ texnologiya layihələrinin icrasında geri qalmalar var. Növbəti ildə Azərbaycan Turizm Şurası ilə Azərbaycan Hotel Assosiasiyası arasında birgə işçi qrup təşkil edərək bunun inkişafını nəzərdən keçirəcəyik".

Milli.Az

 
Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.