İqtisadiyyat

Ötən ay gündəlik neft hasilatı 683 min barrel təşkil edib

11 May 2019 16:44
0 Şərh     Baxış: 363

Azərbaycanda aprel ayında gündəlik neft hasilatı 683 min barrel olub.

Energetika Nazirliyindən Milli.Az-a verilən məlumata görə, bunun 605 min barrelini xam neft, 78 min barrelini kondensat təşkil edib. Gündəlik 390 min barrel xam neft, 75 min barrel kondensat, 19 min barrel isə neft məhsulları ixrac edilib.

Gündəlik neft hasilatının 776 min barrel həcmində saxlanmasına dair razılaşma müqabilində Azərbaycan hasilatı sutkada 20 min barrel azaltmaqla bağlı götürdüyü öhdəliyi artıqlaması ilə yerinə yetirib. Qeyd edək ki, cari ilin yanvar-aprel aylarında orta gündəlik neft hasilatı 770 min barrel təşkil edib.

Energetika Nazirliyi mart ayında gündəlik neft hasilatı ilə bağlı məlumatları OPEC-in Birgə Monitorinq Komitəsinin Müştərək Texniki Komissiyasına təqdim edib.

2018-ci ilin dekabrın 7-də Vyanada Neft İxrac Edən Ölkələr Təşkilatına (OPEC) üzv və qeyri-üzv dövlətlərin nazirlərinin V görüşündə neft hasilatının gündəlik 1,2 milyon barrel azaldılması ilə bağlı razılıq əldə olunub. "Əməkdaşlıq Bəyannaməsi"nin icrası 2019-cu ilin I yarısı üçün nəzərdə tutulub.

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.