İqtisadiyyat

Azərbaycan Bakı-Novorossiysk boru kəməri ilə neft nəqlini dayandırıb

15 Mart 2019 18:21
Baxış: 556

Azərbaycan Bakı-Novorossiysk boru kəməri ilə neft nəqlini dayandırıb.

Milli.Az bildirir ki, bunu Trend-ə Azərbaycan Respublikası Dövlət Neft Şirkətinin (SOCAR) İctimaiyyətlə əlaqələr şöbəsinin rəisi İbrahim Əhmədov deyib.

İ.Əhmədov bildirib ki, bu, boru kəmərində planlı yoxlama və təmir işləri ilə əlaqədardır:

"Biz Bakı-Novorossiysk kəmərində mütəmadi yoxlama işləri aparırıq. Hər hansı bir nöqsan və ya risk aşkarlanarsa, zəruri təmir işləri görülür".

SOCAR nümayəndəsi qeyd edib ki, şirkətin ixrac öhdəliklərinin icrası üçün Bakı-Novorossiysk ilə tədarük olunan neft Bakı-Tbilisi-Ceyhan kəmərinə yönləndirilib:

"Şaxələndirilmiş boru kəməri sistemimiz sayəsində biz neftin müəyyən həcmini digər kəmərlərə yönləndirə bilirik ki, ixrac öhdəliklərimizi yerinə yetirək".

Milli.Az

loading...

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.