İqtisadiyyat

OPEC+ ölkələrinin “Alyans”ı yaradıla bilər - Dmitri Peskov

12 Fevral 2019 21:36
0 Şərh     Baxış: 247

Rusiya Prezidenti Vladimir Putin OPEC+ ölkələrinin yeni və daha sabit strukturunun yaradılması təşəbbüsü ətrafında müzakirələr aparıb.

Milli.Az AZƏRTAC-a istinadən bildirir ki, bu barədə Rusiya Prezidentinin mətbuat katibi Dmitri Peskov jurnalistlərə müsahibəsində bildirib.

Peskov deyib ki, Rusiyanın dövlət başçısı bu məsələni "G20" ölkələrinin sammiti çərçivəsində Səudiyyə Ərəbistanının vəliəhd şahzadəsi Məhəmməd bin Salmanla da müzakirə edib. "Bu məsələ digər beynəlxalq tərəfdaşlarla aparılan müzakirələrdə də bəyənilib. Prezident Putin neftin qiymətləri üzrə dünya bazarında vəziyyətin sabitləşməsi üçün bu addımın səmərəli olacağını qeyd edib", -deyə mətbuat katibi əlavə edib.

Bu yaxınlarda OPEC+ ölkələri məsləhətləşmələri davam etdirmək və nəticə əldə etmək məqsədilə "Alyans" adlanacaq yeni strukturun yaradılmasını müzakirə edəcəklər.

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.