İqtisadiyyat

OPEC+in tərkibi Bakıda keçiriləcək iclas ərəfəsində hələ təsdiqlənməyib

7 Fevral 2019 21:34
0 Şərh     Baxış: 753
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

OPEC+in sazişin yerinə yetirilməsinin monitorinqi üzrə Nazirlər Komitəsinin yeni tərkibi OPEC+in martın 17-18-də Bakıda keçiriləcək iclası ərəfəsində hələ təsdiqlənməyib. Venesuela, Əlcəzair və Omanın yerinə BƏƏ, İraq və Qazaxıstanın komitəyə daxil edilməsi müzakirə olunur.

Milli.Az "Report"a istinadən bildirir ki, bu barədə TASS OPEC+in Yaxın Şərq nümayəndə heyətlərində və OPEC katibliyində olan üç mənbəyə istinadən məlumat yayıb.

Onların sözlərinə görə, buna qədər monitorinq komitəsinin üzvü olan Venesuela, Əlcəzair və Oman artıq komitə üzvləri deyil.

"Yeni üzvlərin seçilməsi məsələsi çox güman ki, aprel ayında OPEC+in fövqəladə nazirlər iclasında müzakirə olunacaq", - agentliyin həmsöhbətləri deyiblər.

Komissiyanın işində qeyri-OPEC ölkələri adından iştirak edən Omanın yerinə daha əvvəl komitə üzvü kimi işləmək istəyini təsdiq etmiş Qazaxıstanın seçilməsi təklif olunur.

Venesuelanın isə Bakıdakı iclasda komitə üzvü yox, 2019-cu il üçün seçildiyi OPEC konfransının prezidenti qismində iştirak edəcəyi gözlənilir.

Qeyd edək ki, komitənin tərkibinin dəyişəcəyi barədə nazirlər 2018-ci ilin dekabrında Vyanada keçirilmiş iclasda xəbər veriblər, lakin yeni tərkibin seçilmə tarixi məlum deyil.

Mənbələrdən birinin sözlərinə görə, qarşıdakı görüşün əsas məsələsi OPEC+ ölkələri arasında əməkdaşlıq haqqında xartiyanın müzakirəsi olacaq.

Daha əvvəl bildirilib ki, OPEC+ ölkələri apreldə keçiriləcək nazirlər görüşündə müddətsiz əməkdaşlıq haqqında bəyannaməni nəzərdən keçirə bilər.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.