İqtisadiyyat

Azərbaycanda fiziki şəxslərin banklardakı əmanəti açıqlandı - 8 milyard manat

11 Oktyabr 2018 10:20
0 Şərh     Baxış: 687

Azərbaycanda 2018-ci il avqustun sonuna olan vəziyyətə görə fiziki şəxslərin banklarda əmanətlərinin həcmi 8,02 milyard manat təşkil edib.

Milli.Az bu barədə Azərbaycan Mərkəzi Bankının hesabatına istinadən məlumat verir.

Ötən ilin eyni dövrü ilə müqayisədə əmanətlərin həcmi 16,4 faiz, 2018-ci ilin əvvəlindən isə 6,9 faiz artıb. Əmanətlərin 63 faizi və ya 5,05 milyardı xarici valyutada yerləşdirilib.

Hüquqi şəxslərin banklarda əmanətlərinin həcmi 12,57 milyard manat təşkil edib və il ərzində 12,3 faiz, ilin əvvəlindən isə 6,3 faiz azalıb.

Ümumilikdə hesabat dövründə hüquqi və fiziki şəxslərin əmanətlərinin həcmi 20,59 milyard manat təşkil edib ki, bu da ilin əvvəli ilə müqayisədə 1,3 faiz azdır.

2018-ci il sentyabrın əvvəlinə olan vəziyyətə əsasən, milli valyutada olan depozitlər 6,44 milyard manat (31,3 faiz), xarici valyutada - 14,15 milyard manat (68,7 faiz) təşkil edib.

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.