Dünyanın ən populyar kriptovalyutası olan bitkoinin qiyməti 7 600 dollaradək ucuzlaşıb.
Milli.Az Trend-ə istinadən bildirir ki, mütəxəssislər bitkoinin ucuzlaşmaqda davam edəcəyini proqnozlaşdırır.
Belə ki, "CoinMarketCap" portalının məlumatlarına əsasən, bitkoinin qiyməti 3,39% ucuzlaşaraq 7 675 dollar təşkil edib.
Alternativ kriptovalyutaların qiymətində də ucuzlaşma qeydə alınıb. Belə ki, "Ethereum" 6,38% və ya 598,9 dollaradək, "Ripple" 3,22% (0,617 dollara qədər), "Bitcoin Cash" isə 6,4% (1 026 dollaradək) ucuzlaşıb.
Kriptovalyuta bazarının kapitallaşması hazırda 337,02 milyard dollar təşkil edir və bunun 39 faizi bitkoinin payına düşür.
Milli.Az