İqtisadiyyat

Novruzda İrandan Azərbaycana gələcək turistlərin sayı 30 faizədək azalacaq

14 Mart 2018 07:59
7 Şərh     Baxış: 3 212

Builki Novruz bayramı günlərində İrandan Azərbaycana gələcək turistlərin sayının təxminən 30 faiz azalacağı gözlənilir.

Milli.Az bildirir ki, bunu Trend-ə Azərbaycan Turizm Assosiasiyasının (AzTA) sədri Nahid Bağırov deyib.

N.Bağırovun sözlərinə görə, İran iqtisadiyyatında baş verən dəyişikliklər, eyni zamanda martın 20-dən xaricə getmək istəyən İran vətəndaşları üçün verginin məbləğinin yüksəldilməsi ilə əlaqədar İrandan Azərbaycana gələcək turistlərin sayında azalma olacaq:

"Ötən il İran turistlərinin sayı çox olduğundan hotellərdə onlara yer tapılmamışdı. Bu il isə Novruz bayramı günləri üçün hotellərin yerləri müəyyən qədər bronlaşdırılsa da, yerlərin dolma səviyyəsi ötən ilə nisbətən aşağıdır".

Assosiasiya sədri əlavə edib ki, Azərbaycanın turizm bazarında İran turistlərinin hesabına boşalmış yeri digər ölkələrin bazarları - ərəb ölkələri, Hindistan, Qazaxıstan, Özbəkistan və Novruz bayramının qeyd edildiyi digər müsəlman dövlətlərinin vətəndaşları hesabına doldurmağa çalışırlar.

Xatırladaq ki, mədəniyyət və turizm naziri Əbülfəs Qarayevin ötən il verdiyi məlumata görə, 2017-ci ildə Novruz bayramı günlərində Azərbaycana İrandan 65 mindən çox turist gəlmişdi.

Qeyd edək ki, İran qanunvericiliyinə uyğun olaraq, bu ölkənin vətəndaşları xarici səyahətlərə gedərkən dövlətə müəyyən qədər vergi ödəyir. Hazırda İrandan başqa ölkəyə təyyarə ilə səfər edənlər 15 dollara, quru nəqliyyatı ilə gedənlər isə 7 dollara yaxın vergi ödəyirlər. Martın 20-dən isə təyyarə ilə gedənlər 45 dollar, quru nəqliyyatı ilə xaricə səfər edənlər isə 15-20 dollar vergi ödəməli olacaqlar.

Milli.Az

loading...

Şərh yaz:

7 Şərh:

  • Anonim
    Elshan · 14 Mart 09:1512

    Ereblerden az murdarliq gormushduk, indi de Hindistandan gelirler...

    Cavab yaz
  • Anonim
    Raul · 14 Mart 09:4603

    Günümüzə baxda. Nə günlərə qaldıq.

    Cavab yaz
  • Anonim
    asi · 14 Mart 10:0613

    Irandan Azərbaycana gələnlər elə azərbaycanlılar olur çoxu.."Turist" sözü çıxardana nə deyim bilmirəm..Azərbaycanın Bakısından Şəkisinə gedirsən, olursan turist).. Eyni millətin gəlişinə turist gözü ilə deyil, daha fərqli baxılsa, dünya dağılmaz hər halda..Soy kökümüz, dilimiz millətimiz bir olan insanlarla ərəb əcəm arasında fərq qoymaq lazımdı ya yox?..

    Cavab yaz
    • Anonim
      Angel · 14 Mart 11:2132

      Asi xanim adini ne qoyursan qoy iwbazlarin cibi dolsun onlar ucun cox maraqli deyil gelen kimdi

      Cavab yaz
      • Anonim
        asi · 14 Mart 12:2021

        Haqqlısan..Işbazlar bir yana, hələ kanalların əlinə mikrafon alıb küçələrdə məntiqsiz turist süjetləri hazırlaması adamı iki qat əsəbiləşdirir..Keçən il Novruzda jurnalist çıxıb turist danışdırır guya.Mikrafonu uzatdıqlarının çoxu Cənubi Azərbaycandandı..Kişi Azərbaycan dilində sevinclə deyir ki, Bakı bizim anamızdı, biz vətənimizdəyik, buradakı qardaşlarımızla birlikdə bayram qeyd etməyə gəlmişik ailəlikcə..Oğlana tutur mikrafonu, deyir ki, mən ilk dəfə doğma yurdumuzun digər tərəfindəyəm, yanındakı həmyaşıdları göstərib deyir ki, bunlar da mənim qardaşlarımdı, eyni qanıq..Bu vaxt süjetin arxa fonunda əcaib bir səs gəlir: Bəli doğma Bakı bayram qabağı əcnəbi turistlərin çoşğusu ilə nə bilim nə...Həmin vaxt əlimdə ola o səsin sahibini boğardım)..O qədərdir ki, belə at keçməz işlər bizdə,təəssüflənməkdən başqa bir carəsi olmur adamın..

        Cavab yaz
  • Anonim
    Hara · 14 Mart 10:2840

    O zaman bu turistlerin vergisini bizim oteller qarşılasın böyük bir menleğ deyil, tebiki bizim oteller üçün, hoqqabaz otel sahibkarları bir addım atmalıdırlarki turist gelişi azalmaq yerine artsın.

    Cavab yaz
  • Anonim
    Hara · 14 Mart 10:3103

    Asi. Şekiden bakıya, bakıdan haraya gedene turist demeleri yaxşıdı, onda biraz medenileşirler, yerli kendçi qohum deyende ise erebleşirler, ne medeniyyet qalır, nede edeb

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.