İqtisadiyyat

Bakı Dəniz Ticarət Limanında son tamamlama işləri gedir - VİDEO

13 Fevral 2018 21:29
0 Şərh     Baxış: 405

Yeni Bakı Beynəlxalq Dəniz Ticarət Limanında son tamamlama işləri gedir. Limanın tikintisi təxminən 2 aya başa çatacaq. Bunu iqtisadiyyat naziri Şahin Mustafayev deyib. Nazir Ermənistanda əhalinin və mətbuatın regional layihələrdən kənarda qalmasına görə hökuməti tənqid etməsinə də toxunub.

Milli.Az xezerxeber.az-a istinadən bildirir ki, Azərbaycan daha bir meqa layihəni tamamlamağın astanasındadır. Ölkənin nəqliyyat və logistik mərkəzə çevrilməsi üçün əsas layihələrdən biri olan Yeni Bakı Beynəlxalq Dəniz Ticarət Limanının tikintisi yekunlaşmaq üzrədir.

Şahin Mustafayev qeyd edib ki, dəniz ticarət limaninin potensialı illik 15 milyon ton və 100 min konteynerdir. Lakin bu imkanlar daha da genişləndirilərək limanın yük potensialı illik 25 milyon ton və 500 min konteynerə çatdırılacaq. Nazir son vaxtlarda Ermənistanda əhalinin və mətbuatın Azərbaycandan fərqli olaraq bütün regional layihələrdən kənarda qalmasına görə hökuməti tənqid etməsinə də toxunub.

Nazir onu da əlavə edib ki, ötən il ərzində Azərbaycan vasitəsilə ümumilikdə 10,4 milyon ton yük daşınıb. Bu da 2016-cı illə müqayisədə 16% artım deməkdir.

Milli.Az

Digər maraqlı xəbərlər Milli.Az-ın Facebook səhifəsində

Videonu izləmək üçün şəklə klikləyin:
Bakı Dəniz Ticarət Limanında son tamamlama işləri gedir

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.