İqtisadiyyat

İsrailli alimlər azərbaycanlılarla əməkdaşlıq etmək istəyirlər

7 Dekabr 2017 17:00
0 Şərh     Baxış: 516

İsrailli alimlər azərbaycanlı həmkarları ilə Yer elmləri, o cümlədən neft və qaz yataqlarının işlənilməsi sahəsində əməkdaşlıq etmək niyyətindədir.

Milli.Az Trend-ə istinadən bildirir ki, bunu İsrail Təbiət və Humanitar Elmlər Akademiyasının üzvü, Təl-Əviv Universitetin professoru Zvi Ben-Avraham Azərbaycan Milli Elmlər Akademiyasının prezidenti, akademik Akif Əlizadə ilə görüşündə deyib.

Z.Ben-Avraham bildirib ki, bu məqsədlə müştərək tədqiqatlar həyata keçirməyin zəruridir. Alim əməkdaşlığın hər iki ölkənin elmi üçün mühüm əhəmiyyət kəsb edəcəyini söyləyib.

A.Əlizadə AMEA-nın elmi müəssisələri ilə İsrailin müvafiq elmi mərkəzləri arasında bilik, təcrübə mübadiləsinin aparılması, elmi-tədqiqat sahəsində birgə layihə və inkişaf proqramlarının həyata keçirilməsi, eləcə də elmi seminar və konfransların təşkilinin önəmli olduğunu vurğulayıb.

Görüşdə tərəflər arasında elmi əlaqələrin genişləndirilməsi, perspektiv əməkdaşlığa dair müxtəlif tədbirlərin təşkili ilə bağlı fikir mübadiləsi aparılıb, mövcud əməkdaşlıq əlaqələrinin inkişaf mexanizmləri və imkanları müzakirə olunub.

Milli.Az

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.