İqtisadiyyat

Azərbaycan bu ölkəyə 355 milyon dollar investisiya yatırdı

17 Oktyabr 2017 15:38
3 Şərh     Baxış: 3 101
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

2017-ci ilin ilk 8 ayı ərzində Türkiyə iqtisadiyyatına yatırılan birbaşa investisiyaların həcmi 4,851 mlrd. dollar təşkil edib ki, bu da ötən ilin müvafiq dövrü ilə müqayisədə 28,8% çoxdur.

Milli.Az APA-ya istinadən xəbər verir ki, bu barədə Türkiyə Mərkəzi Bankının açıqladığı statistikada deyilir.
 
Qeyd edək ki, 2016-cı ilin yanvar-avqust ayları ərzində Türkiyə iqtisadiyyatına yatırılan birbaşa investisiyaların həcmi 3,767 mlrd. dollar olub.
 
2017-ci ilin yanvar-avqust ayları ərzində Türkiyə iqtisadiyyatına yatırılan birbaşa investisiyaların 79%-i və ya 3,830 mlrd. dolları Avropa ölkələrinin payına düşüb.
 
Hesabat dövründə qardaş ölkənin iqtisadiyyatına ən çox yatırım edən ölkələr Hollandiya, İspaniya, Azərbaycan və Avstriya olub. "Zanbaqlar ölkəsi" 8 ay ərzində Türkiyə iqtisadiyyatına 1,501 mlrd. dollar yatıraraq lider olduğu halda, İspaniya 1,046 mlrd. dollarlıq göstərici ilə ikinciliyini qoruyub. Cari ilin yanvar-avqust ayları ərzində Azərbaycan və Avstriya qonşu ölkənin iqtisadiyyatına müvafiq olaraq 355 mln. dollar və 308 mln. dollar yatırıblar. Belçika, Almaniya, Yaponiya, İngiltərə, Çin və ABŞ kimi ölkələrin hər birinin yatırımları 100 mln. dollardan çox olub.
 
Maraqlıdır ki, ilin əvvəlindən Rusiya Türkiyəyə birbaşa investisiya yatırmayıb. Halbuki, ötən ilin müvafiq dövrü ərzində bu göstərici 259 mln. dollar olub.

Milli.Az

Digər maraqlı xəbərlər Milli.Az-ın Facebook səhifəsində

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.