İqtisadiyyat

Yeni qaydalar təsdiqləndi: İpoteka krediti daha əlçatan olacaq

12 Oktyabr 2017 21:26
0 Şərh     Baxış: 1 168

Hazırda vətəndaşlar adi, sosial və bankların daxili kreditlərindən bəhrələnə bilirlər. Bəzi hallarda faizlərin çox olması, yaxud da ilkin ödənişin yüksək olması vətəndaşların bu kreditlərdən istifadəsini çətinləşdirir. Nazirlər Kabinetinin təsdiqlədiyi qaydalar ipoteka kreditlərindən istifadəni asanlaşdıracaq. Söhbət dövlət banklarının daxili ipotekasından gedir.

Milli.Az xezerxeber.az-a istinadən bildirir ki, dövlət bankları daxili ipoteka kreditlərini yeni qaydalarla verəcəklər.Nazirlər Kabineti, "Nəzarət zərfi dövlətə məxsus banklar tərəfindən öz vəsaitləri hesabina ipoteka kreditlərinin verilməsi Qaydası"nı təsdiq edib.
Yeni qaydalar adi və sosial ipoteka kreditlərinə deyil, bankların özləri tərəfindən verilən daxili ipoteka kreditlərinə şamil edilir. Qaydalar bir sıra vacib məsələləri özübə ehtiva edir.İlk növbədə kredit faizləri aşağı salınacaq.
İqtisadçı ekspert Vüqar Bayramov deyir ki, dövlət banklarında ipoteka kreditinə ayrılan vəsait artırılacaq. Bu da daha çox vətəndaşa kredit əldə etmək imkanı verəcək. Hazırda ipoteka kreditləri müəyyən limit çərçivəsində təqdim edilir
Bundan əlavə kredit götürərkən ilkin ödəniş məbləği azaldılacaq.
Görünən odur ki, sözügedən qərar vətəndaşların ipoteka əldə etmək imkanlarını yaxşılaşdıracaq. Qaydaların tam təfərrüatları yaxın müddətdə məlum olacaq.

Milli.Az

Digər maraqlı xəbərlər Milli.Az-ın Facebook səhifəsində

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.