İqtisadiyyat

Azərbaycanlıları Moskva aeroportunda niyə gözlədirlər?

10 Dekabr 2014 11:40
0 Şərh     Baxış: 2 764
VTB-də minimal faiz dərəcəsi ilə nağd kredit 9.9%-dən
#AZERBAİJAN #İQTİSADİYYAT #RUSSİA #RUSİYA #TƏYYARƏ #HAVA LİMANI #UTAİR AVİATİON JSC

Ötən gün Rusiyanın "UTair" aviaşirkəti Moskva-Gəncə istiqaməti üzrə 743 nömrəli aviareysi yerinə yetirə bilməyib

Bu barədə Rusiyanın Lifenews agentliyi xəbər verib.

Məlumata görə, təxminən 90 sərnişin Moskvanın "Vnukovo" hava limanında Gəncəyə uça bilməyib. Yaranmış vəziyyətə səbəb kimi şirkətin maliyyə durumunun qənaətbəxş olmaması göstərilir. Moskva-Gəncə marşrutuna gəlincə, "UTair" maliyyə vəsaitinə qənaət etmək məqsədilə sözügedən reyslə digərini birləşdirərək, sərnişinləri daha tutumlu olan bir daşıyıcı ilə Gəncəyə göndərmək qərarına gəlib.

Bildirilir ki, Gəncəyə təyin edilən vaxta gələ bilməyən sərnişinlər müvəqqəti olaraq mehmanxanalara yerləşdiriliblər. Uçmaqdan imtina edən sərnişinlərin pulları tam həcmdə geri qaytarılıb.

Şirkətin digər reysləri cədvəl üzrə yerinə yetirilib.

Məsələ ilə bağlı "UTair" şirkətinin nümayəndəsi APA-ya bildirib ki, dünən yerinə yetirilməsi nəzərdə tutulan Moskva-Gəncə aviareysinin ləğvi kifayət qədər sərnişinin olmaması səbəbindən qərarına alınıb: "Mətbuatda qeyd edilən xəbər həqiqətə uyğun deyil. Sərnişinlərin sayı az olduğundan reys dünən təxirə salınıb. Həmin reys bu gün saat 16:20-də yerinə yetiriləcək. "UTair" həftənin şənbə və bazar günləri istisna olmaqla həftə içi hər gün reys həyata keçirir".

Şirkətdən həmçinin bildirilib ki, Azərbaycana uçuşların yerinə yetirilməsi davam etdiriləcək.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.