Yeni görünüşlü "YENİ HAYAT RESİDENCE" - FOTO

Təbriz küçəsi 12 ünvanında yerləşən "Yeni Hayat Residence" yaşayış kompleksi "Yeni Hayat" şirkətlər qrupunun ən uğurlu layihələrindəndir.

"Yeni Hayat Residence" 16-mərtəbəli, 2-bloklu yaşayış kompleksidir. Layihə 11 637 kv.m. sahədə reallaşdırılıb. Bina 74 mənzildən ibarətdir və nəqliyyat vasitələri üçün nəzərdə tutulan qapalı avtoparkı var.
Bu yaxınlarda layihənin müəllifi və icraçısı təmir-bərpa işlərini başa vurmuş, eləcə də ətraf ərazinin yaşıllaşdırma və abadlıq işlərini tamamlamışdır.

"Yeni Hayat" şirkətinin əsas iş prinsiplərindən biri yüksək səviyyədə xidmət və bütün layihələr üzərində nəzarətin təminatıdır.

Bina 9 il əvvəl, yəni 2004-cü ildə istifadəyə verildiyi üçün bəzi təmir-bərpa işlərinə ehtiyac yaranmışdı.

Ötən illər ərzində tikinti texnologiyaları xeyli dəyişmişdir. İşlərində ən son texnologiyaları tətbiq etməyə səy göstərən "Yeni Hayat" məhz bu səbəbdən illər əvvəl inşa etdiyi binaları belə müasirləşdirməyə, abadlaşdırmağa çalışır. Şirkətin əsas prinsiplərindən biri həyata keçirdiyi layihələri hər zaman diqqət mərkəzində saxlamaq, müasir həyat sdantarlarına uyğunlaşdırmaqdır.

Belə ki, "Yeni Hayat Residence" yaşayış kompleksində binanın fasadı yenidən rənglənmiş və işıqlandırılmış, binanın həyətində  göz oxşayan fəvvarə tikilmiş, süni və təbii qazonlar salınmış, dekorativ güllər və ağaclar əkilmişdir.  Binanın altında yerləşən qaraj da diqqətdən kənar qalmamış və yenidən təmir edilmişdir.

Yaşayış kompleksinin sakinləri üçün zəmanəmizin tələbinə uyğun yenilik: həyətdə trenajorlar və idman ləvazimatları quraşdırılmışdır.  Kompleksin müəllifləri binanın kiçik sakinləri olan uşaqları da unutmamış, onları sevindirəcək yeni yelləncəklər və digər attraksionlar da quraşdırmışlar.

Qeyd edək ki, 2002-ci ildə yaradılmış "Yeni Həyat" şirkətlər qrupu hazırda Azərbaycanın tikinti sektorunda lider şirkətlərdən biridir. Şirkət ölkədə fəaliyyət göstərən digər tikinti şirkətlərindən öz yenilik gətirən ideyaları ilə fərqlənir. "Yeni Həyat" şirkəti 10 illik fəaliyyəti dövründə bir sıra genişmiqyaslı innovativ layihələr həyata keçirib.  Şirkətin bütün layihələrini birləşdirən əsas prinsiplərdən biri isə insanların rahatlığını və ətraf mühitlə harmonik vəhdətini təmin etməkdir. "Yeni Hayat Residence" yaşayış kompleksinin yenidən təmir-bərpa edilməsi buna ən gözəl nümunədir.

Böyütmək üçün şəkillərə klikləyin.