İqtisadiyyat

2 aydan sonra... - Pensiyalarla bağlı vacib xəbər

27 Oktyabr 2025 09:35
Baxış: 10 849
VTB-də minimal faiz dərəcəsi ilə nağd kredit 9.9%-dən
#CƏMİYYƏT #İQTİSADİYYAT #PENSİYA

Gələn il pensiya kapitalı artırılacaq.

Milli.Az xəbər verir ki, bunu deputat Vüqar Bayramov bildirib.

"Əmək Pensiyaları haqqında" Qanuna əsasən, 2026-cı ildə yalnız pensiyalar deyil, vətəndaşların pensiya kapitalı da indeksləşdirilərək artırılacaq.

Onun sözlərinə görə, qanunun 29.1-1 maddəsinə əsasən, sığortaolunanların fərdi hesablarında qeyd olunan pensiya kapitalı hər il istehlak qiymətləri indeksinə uyğun şəkildə yenilənir. Bu o deməkdir ki, pensiya kapitalı 2025-ci ilin inflyasiya səviyyəsinə əsasən artırılacaq.

Deputat qeyd edib ki, Mərkəzi Bankın yeni proqnozuna görə, bu il inflyasiya təxminən 6 faiz olacaq. Dövlət Statistika Komitəsinin məlumatına əsasən, ilin ilk doqquz ayında qiymət artımı 5,7 faiz təşkil edib.

"Əgər proqnoz dəyişməzsə, vətəndaşların pensiya kapitalı təxminən 6 faiz artırılacaq. Məsələn, 50 min manat pensiya kapitalı olan şəxsin vəsaiti gələn il təxminən 3 min manat artacaq. Dəqiq rəqəm isə yanvarda açıqlanacaq," - deyə Bayramov əlavə edib.

Deputat vurğulayıb ki, bu artım gələcəkdə pensiyaya çıxan şəxslərin daha çox məbləğ almasına və yığılan kapitalın inflyasiyadan qorunmasına imkan verəcək.

İsmayıl
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.