İqtisadiyyat

Əlilliyi olanlara ŞAD XƏBƏR: Dövlət güzəşt edəcək

15 Aprel 2025 15:55

Baxış: 2 307

VTB-də minimal faiz dərəcəsi ilə nağd kredit 9.9%-dən

#VERGİ #ƏLİL

Xəbər verdiyimiz kimi, əlilliyi olan şəxslər əl işlərinin internetlə satışına görə sosial vergi ödəməyəcəklər.

Bu barədə Prezident İlham Əliyevin təsdiqlədiyi Vergi Məcəlləsinə edilən dəyişiklikdə əksini tapıb.

Dəyişikliyə əsasən, əlilliyi olan şəxslərin vergi inzibatçılığının sadələşdirilməsi və onların özünüməşğulluq təşəbbüslərinin dəstəklənməsi üçün əl işlərinin satışından əldə olunan gəlirdən ödəmə mənbəyində 2 faiz vergi tutulacaq.

Həmçinin onların əl işlərinin satışını həyata keçirilməsi üçün xüsusi elektron portal yaradılacaq, əlilliyi olan şəxslər orada qeydiyyatdan keçəcəklər.

Məsələ ilə bağlı Milli.Az-a iqtisadçı ekspert Eyyub Kərimli bildirib ki, bu dəyişiklik əlillərin özünüməşğulluq imkanlarını artıracaq.

"Düşünürəm ki, bu, həm də onların bu sahədəki fəaliyyətini situmullaşdıracaq. Belə ki, bəzi hallarda onların adı sahibkarlıq fəaliyyətində qeyd olunurdu, bu zaman həmin şəxslər müəyyən vergi ödənişləri həyata keçirirdi ki, bu da onların gəlirlərinin azalmasına səbəb olurdu. Amma artıq onlar hər hansı məhsul satışa çıxardıqdan sonra yalnız 2 faiz vergi ödəyərək daha çox gəlir əldə edəcəklər. Bu zaman da onların sosial rifahı yüksələcək. Bu dəyişikliyə əsasən, məşğulluğun daha da artırılması gözlənilir".

Aysel Əkbər
Milli.Az