Mədəniyyət

Yaqub Məmmədov Qulu Əsgərovun fəxri adını əlindən alıbmış? - Sənətkarların dialoqu illər sonra

13 İyun 2019 13:48
1 Şərh     Baxış: 3 493

Əfsanəvi sənətkar Qulu Əsgərovun həyat yoldaşı Sevər Əliyeva İTV-yə müsahibəsində maraqlı faktlar açıqlayıb.

Milli.Az ölkə.az-a istinadən bildirir ki, o, həyat yoldaşının mədəsində 1986-cı ildə xərçəng xəstəliyi aşkarlandığını və xəstəlikdən sonra baş verənləri danışıb:

"Salyana getmişdi, soruşdum ki, orada nə yedin? Dedi ki, heç nə. Sonra həkimə müraciət etdik, Moskvaya göndərildi və məlum oldu ki, mədəsində xərçəng xəstəliyi var".

S.Əliyeva həyat yoldaşının həmkarları ilə son görüşü barədə də danışıb:
"Xəstə olduğunu biləndən sonra filarmoniya bağına getmişdi. Orada bütün həmkarları, dostları ilə görüşüb halallaşanda səbəbini soruşurlar. Deyir ki, mədəmdə o zəhrimardan var, ona görə gəldim hamınızla sağollaşım. Hər kəs onun bu cəsarətinə heyrətlənmişdi".

Sevər Əliyeva Qulu Əsgərovun fəxri ad almadan həyatdan köçməyi barədə isə bunları deyib:

"Günlərin birində Yaqub Məmmədova fəxri ad verdilər. Ondan bir neçə gün sonra Yaqubla Qulu küçədə rastlaşır. Yaqub deyir ki, Qulu, bağışla, sənin adını mənə verdilər. Qulu deyir ki, hər kəsə öz haqqını verirlər, sən də öz haqqını almısan".

Milli.Az

loading...

Şərh yaz:

1 Şərh:

  • Anonim
    loğman · 13 İyun 21:3900

    Yəqin Qulunu çox istədiyindən deyib.Yaqub Məmmədov əvəzi olmayan bir xanəndə olub.Allah hər ikisinə də rəhmət eləsin.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.