Mədəniyyət

"Elə bilirlər ki, Akif İslamzadənin həyat yoldaşıyam"

24 Aprel 2019 17:19
3 Şərh     Baxış: 4 667

Əməkdar artist Nailə İslamzadə rejissor Nail Naiboğlunun "21 sual" adlı "Youtube" layihəsinin qonağı olub.

Milli.Az axşam.az-a istinadən bildirir ki, aparıcı həyatı ilə bağlı sualları cavablandırıb. O bildirib ki, yeni aparıcılığa başladığı illərdə onu müğənni Akif İslamzadənin həyat yoldaşı hesab edirmişlər:

"Efirə Uluxanova kimi gəldim. İki-üç il sonra İslamzadə oldum. Həmin ərəfədə Akif İslamzadəyə görə bu soyad məşhur idi. Həm də Akif bəyin xanımının adı Nailə idi və bir övladı varıydı. Mənim də bir övladım var. İndi də elə bilirlər ki, mən Sara xanımın gəliniyəm. Hətta hərdən deyirlər ki, yoldaşınız oxumur. Deyirəm, onsuz oxumurdu da.

AzTV-dən özüm getdim, amma məni getdirdilər. Mən getdiyim vaxtdakı şərait olmamışdı. Bir çoxlarımızı oradan getdirdilər".

Aparıcı "Nailə İslamzadə acılarını necə unudur" sualına belə cavab verib:

"Allah insanı unutqan yaradıb. Çox şeylər unudulmur, acı səngiyir. Elə olmasa, heç kim yaşaya bilməz. O günlərdə keçirdiyin hislər, getdikcə səngiyir. O olmasa, insan dəli olar, yaşaya bilməz. Allahın verdiyi hər şeyi qəbul etmək lazımdır. Qardaşlarım rəhmətə getdi, anam yaşamaq istəmir, amma yaşayır. Düşünürsən ki, sonda yenə görüşəcəyik da, bu adama təsəli verir".

N.İslamzadə sosial şəbəkələrdən gileylənib:

"İndi barmaqarası baxdıqlarımızla yanaşı, yaxşılar da var. Hər kəs hörmətini qoprumalıdır. Sosial mediada yaşananlar məni qane etmir. Hər kəs öz mədəniyyətini göstərir. Əlində bir telefon var, sanki, dünya bunlardan ibarətdir. Səhər-axşam "sabahınız xeyir, gecəniz xeyrə qalsın" yazmaq nə verir? Bunlar olmaz".

Şəxsi həyatı ilə bağlı suala isə aparıcı ötəri cavab verməyə çalışıb:

"Hər kəsin ailəsi var. Durum həyat yoldaşımdan danışım və ya şikayət edim? Mənim üçün ayıb olar. Çox övlad istəyərdim, amma Allah birini qismət etdi. Deyirdilər, Nailənin iki-üç qulluqcusu var. Yox, oğlum mənim yeməklərimi yeyir ancaq. İşlərimi özüm edirəm".

Milli.Az

loading...

Şərh yaz:

3 Şərh:

  • Anonim
    111 · 24 Aprel 17:5210

    Burnunu emeliyyat eletdirib)

    Cavab yaz
  • Anonim
    R · 24 Aprel 18:4620

    Cox sevdıyım xanim

    Cavab yaz
  • Anonim
    Gun kimi · 24 Aprel 19:5320

    Bes gelini, neveleri yoxdur?..axi oqlunun toyunu elemiwdi internete de qoymuwdu....hmm..

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.