Mədəniyyət

Kiyevdə azərbaycanlı rəssamın fərdi sərgisi açılıb

13 Aprel 2019 14:32
1 Şərh     Baxış: 460

Ukraynanın paytaxtı Kiyevdə Azərbaycanın Əməkdar rəssamı Vüqar Muradovun fərdi sərgisi açılıb.

Azərbaycanın Ukraynadakı səfirliyindən Milli.Az-a verilən məlumata görə, sərgidə Ukraynanın tanınmış rəssamları, diplomatik nümayəndəliklərin təmsilçiləri, ictimai-siyasi xadimlər və soydaşlarımız iştirak edib.

Azərbaycanın dünyanın mədəniyyət beşiyinə çevrildiyini deyən ölkəmizin Ukraynadakı səfiri Azər Xudiyev bildirib ki, V.Muradov artıq öz əsərləri ilə sözünü demiş rəssamdır. Rəssam Ukraynada ilk dəfədir ki, fərdi sərgisini keçirir. "Rəssamın digər xarici ölkələrdə olduğu kimi Ukraynada da fərdi sərgisinin uğur qazanacağına inanıram. Bu cür sərgilər Azərbaycanın mədəniyyət sahəsində inkişafını göstərir. Bu gün ölkəmiz multikulturalizm, mədəniyyət sahəsində lokomotiv rolunu oynayır. Bu istiqamətdə Azərbaycan Prezidenti İlham Əliyev, birinci vitse-prezident Mehriban Əliyevanın rəhbərliyi altında ölkəmiz dünyada məşhurluq qazanan iri layihələr həyata keçirməkdədir", - deyə səfir əlavə edib.

Tarixən Azərbaycanda istedadlı, tanınan rəssamların yetişdiyini qeyd edən Kiyev Milli Art Qalereyasının rəhbəri Luri Vakulenko çıxışında ölkəmizin mədəni zənginliyindən danışıb. O bildirib ki, V.Muradovun əsərləri Ukraynada uğur qazanacaq. Vüqar Muradov gördüyünü, düşündüyünü çox uğurlu formada insanlara təqdim edə bilir.

Tədbirdə çıxış edənlər rəssamın yaradıcılığı barədə ətraflı məlumat verib.

Sərgiyə gələnlərə təşəkkürünü bildirən Vüqar Muradov burada 18 əsərinin sərgiləndiyini açıqlayıb.

Sərgi bir ay davam edəcək.

Milli.Az

Məqaləyə dair fotomateriallar:

loading...

Şərh yaz:

1 Şərh:

  • Anonim
    ƏMRAH ƏNRAH ALMALI · 13 Aprel 17:3100

    KİYEVDƏ AZƏRBAYCANLININ SƏRGİSİ AÇILIB ÇOX GÖZƏL AZƏRBAYCANDA DA MƏN AZƏRBAYCANLININ YUBLEYİ OLSA NƏ OLAR

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.