"Edam günü" filmi beynəlxalq festivalda üçüncü ən yaxşı mükafatı qazandı

"Edam Günü" bədii filmi Barselona Film Festivalında iyun ayının 28-də "Ən Yaxşı Danışıq Bədii Film"nə nominasiya olunmuşdu, beləliklə finalda "Ən Yaxşı Danışıq Bədii Film" olmaq uğrunda mübarizəyə qatıldı.13 iyul tarixində isə "Edam Günü" bədii filmi "Ən Yaxşı Danışıq Bədii Film" seçildi.  İkinci filmimiz də uğur qazandı.

Azərbaycanda istehsalı 2016-cı ildən başlayan "Edam günü" tammetrajlı bədi filmi psixoloji  triller janrındadır və bu yaxınlarda postprodakşın mərhələsi yekunlaşıb. Film həm yerli, həm də beynəlxalq auditoriyaya təqdim edilib.

Bu haqda filmin ssenari müəllifi və baş prodüseri Cəlaləddin Qasımov məlumat verib. Ssenari müəllifinin sözlərinə görə, filmə yaxın vaxtlarda geniş tamaşaçı kütləsinin baxmaq imkanı olub.  

"Biz filmin tam fərqli yayım siyasətini qurmağa çalışdıq".

Qeyd edək ki, "Edam günü" psixoloji trillerində hadisələr Sovet dövrünün son illərində həbsxanada cərəyan edir. Müəllif həbsxana mövzusuna iki əks qütbün ziddiyyəti kontekstindən baxaraq orijinal yanaşma təqdim etmiş olur.

Filmdə baş rollarda Rövşən Kərimduxt,  Sabir Məmmədov, Məmməd Əliyev, Nazil Ağalarov, Ramin Şıxəliyev, Soltan Qasımov, Hikmət Məmmədov, Vüqar Qurbanov və digərləri çəkiliblər. Filmin quruluşçu operatoru Mehdi Yaqubovdur. "SPP Production" tərəfindən istehsal edilən ekran əsərinin xronometrajı  95 dəqiqədir.

Beynəlxalq film festivalları, həmçinin beynəlxalq film marketlərinə təqdimat 2018-ci ilin sonlarına qədər davam edəcək. Son bir ayda film 3 beynəlxalq festivalın qalibi oldu:

-         Los Angeles CineFest (ABŞ)

-         Slumberjack Film Festival (Böyük Britaniya)

-         Barcelona Planet Film Festival (Ispaniya)

Buradakı ssenari Rusiyada, Azərbaycanda, ümumiyyətlə keçmiş SSRİ məkanında  dustaq həyatı yaşamış insanların həyatından, yaşadıqları hadisələrdən götürülüb.

"Edama məhkum olunmuş bir dustağın kamerada yaşadığı həyəcanlı anları göstərmişik. Filmin ssenarisini yazarkən Bayıl türməsinin SSRİ dövründə işlənmiş işçiləri ilə görüşüb maraqlı məlumatlar toplamışıq", - ssenari müəllifi bildirib.

C.Qasımov deyib ki, bu filmin çəkilməsinin əsas məqsədi bütün gənclərin içərisindəki istedadı tapıb üzə çıxarmaq, onların qabiliyyətini gənclərə göstərməkdir. 

"Hər bir insanın (gəncin) içərisində bir istedad, qabiliyyət yatır. Kimidə bu qabiliyyət elmə, kimidə idmana, kimidə də sənətə və s. yönləndirilməlidir. Yoxsa hər bir gəncin taleyi filmdəki bu "qəhrəmanın" taleyi kimi olacaq".

Milli.Az