Mədəniyyət

Azərbaycan filmi Rusiya milli kinematoqrafiya forumu müsabiqəsinin "Qran-pri" mükafatına iddialıdır

28 Avqust 2011 01:09

Baxış: 798

VTB-də minimal faiz dərəcəsi ilə nağd kredit 10.49%-dən

#AZERBAİJAN #RUSSİA #KRASNAYA ETNA PLANT OJSC

AzərTAc xəbər verir ki, Azərbaycanın "Sahə" filmi Rusiya Kinosu Günü çərçivəsində avqustun 27-də paytaxt Moskvanın "Krasnaya Presnya" kino mərkəzində açılmış XV yubiley milli kinematoqrafiya forumu müsabiqəsinin "Qran-pri" mükafatına iddialıdır.

Filmlərə baxışın prezidenti, kinorejissor və dramaturq Rüstəm İbrahimbəyov bildirmişdir ki, bu il ilk dəfə olaraq forumun gündəliyinə müsabiqə də daxil edilmişdir. "Müxtəlif janrlı və tematik istiqamətli filmlərdən ibarət olan proqrama etibarlı münsiflər heyəti qiymət verəcəkdir" - deyə R.İbrahimbəyov vurğulamışdır. Qeyd etmişdir ki, Vadim Abdraşitovun sədrlik etdiyi münsiflər heyətinə dramaturq Natalya Ryazantseva, rejissor Xacaqulu Narliyev və kino tənqidçisi Sergey Trimbaç daxildirlər.

Münsiflər heyəti MDB və Baltikyanı ölkələr üzrə ən yaxşı filmi, ən yaxşı rejissoru müəyyənləşdirəcək, həmçinin iki xüsusi priz də müəyyənləşdirəcəkdir. Forumun "Qran-pri" mükafatına iddiaçılar sırasında "Sahə" (Azərbaycan), "Razılıq prezumpsiyası" (Rusiya), "Qurğuşun" (Özbəkistan), "Qırmızı civə" (Estoniya, Rusiya), "Ailə məsələləri" (Latviya), "Gecikmiş məhəbbət" (Qazaxıstan), "Sərhəd" (Ermənistan) və s. filmlər vardır.
Rejissor İlqar Safatın "Sahə" filmi Mədəniyyət və Turizm Nazirliyinin dəstəyi ilə "Nərimanfilm" studiyasında istehsal olunmuşdur.

Milli.Az