Mədəniyyət

Azərbaycan Xalq Cümhuriyyətinin 100 illiyi münasibətilə konsert keçirilib

25 May 2018 19:18
Baxış: 795
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

May ayının 24-də, Azərbaycan Televiziyasının Mədəniyyət Kanalı, Azərbaycan Milli Konservatoriyası və Azərbaycan Dövlət Akademik Filarmoniyasının birgə  təşkilatçılığı ilə Azərbaycan Xalq Cümhuriyyətinin 100 illiyi münasibətilə konsert keçirilib.

Milli.Az xəbər verir ki, Azərbaycan Milli Konservatoriyasının və İncəsənət Gimnaziyasının tələbələrinin iştirakı ilə keçirilən tədbirin əvvəlində Mədəniyyət Kanalının direktoru Ramil Qasımov və Azərbaycan Milli Konservatoriyasının rektoru, professor Siyavuş Kərimi çıxış edərək Azərbaycan Xalq Cümhuriyyətinin 100 illiyi və konsertin mahiyyəti barədə məlumat veriblər.

Qeyd edilib ki, Azərbaycan Respublikası Prezidentinin sərəncamı ilə 2018-ci il Azərbaycanda Xalq Cümhriyyəti ili elan olunub. Bu münasibətlə bütün dövlət idarələrində, mədəniyyət və təhsil müəssisələrində silsilə tədbirlər keçirilir. Bütün sahələrdə olduğu kimi, incəsənət sahəsində də isdedadlı gənclər yetişir və keçirilən tədbirlər həm də belə gənclərin üzə çıxarılmasında və tanıdılmasında əhəmiyyətli rol oynayır. Konsertdə tanınmış mədəniyyət və ictimai xadimlər- Prezident Adminstrasiyasının Humanitar Siyasət Məsələləri şöbəsinin müdiri Fərəh Əliyeva, xalq attistləri Arif Babayev, Murad Hüseynov, Azər Zeynalov, Azərbaycan Mili Konservatoriyasının professor müəllim heyyəti və digərləri iştirak ediblər.

Konsertin  proqramına  Azərbaycan və Qərb bəstəkarlarının əsərləri daxil edilib. Konsert proqramı Azərbaycan Televiziyasının Mədəniyyət kanalı tərəfindən lentə alinib.

Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.