Mədəniyyət

YARAT Emalatxanalarında "Açıq qapı günü" keçiriləcək

22 Sentyabr 2017 16:04
Baxış: 1 499
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

YARAT Müasir İncəsənət Məkanı sizi YARAT Emalatxanalarında "Açıq qapı günü" tədbirinə dəvət edir.

Tarix: şənbə, 30 sentyabr
Vaxt: 12:00 - 18:00
Ünvan: YARAT Emalatxanaları, Bakı, Akademik Həsən Əliyev küçəsi, 1061
Giriş sərbəstdir

YARAT Emalatxanaları bir günlük öz qapılarını ziyarətçilərin üzünə açacaq. Burada çalışan yerli və beynəlxalq səviyyəli rəssamlar, qonaqlara öz əsərlərini təqdim etmək, onlara seminarlarda iştirak və hər kəslə öz biliklərini bölüşmək üçün hamını bu tədbirə qatılmağa dəvət edirlər. Böyük sənətçilər ailəsi ilə möhtəşəm incəsənət gününü siz də yaşayın və dizayn, qrafika, fotoqrafiya, elektron musiqi və arxitektura daxil olmaqla, müxtəlif daşıyıcılarda təqdim edilən əsərlərdən ilhamlanın. Öz yollarını peşəkar incəsənət dünyasında axtaran gənc istedadları dəstəkləmək üçün, ARTIM LAB layihəsi haqqında müzakirələrlə yanaşı, əlavə məlumatlar, həmçinin rəssamların incəsənət proqramlarında uğurlu iştirakını istiqamətləndirən əsərlərin nümunələri təqdim ediləcək.

Müzakirələr və seminarlar: 

Tədbirdə həmçinin Nika Kvataladzenin (Gürcüstan) "Post sovet məkanında memarlıq" seminarı, Maykl Hirşbixlerin (Avstriya) "Portfolio və incəsənət nəşri" seminarı, Fərhad Fərzəliyevin "Elektron musiqi" seminarı, rəssam Rəşad Ələkbərov ilə görüş, Aqil Tahirlinin "Fotoqrafiya" seminarı, Etibar İsmayılovun "Küləklə sovrulanlar" seminarı, Aydan Mirzəyevanın "ARTIM Lab" müzakirəsi, Şahnaz Ağayevanın "Qrafika" seminarı, Şeyla Salamzadənin "Dizayn" seminarı təqdim ediləcək. 

Daha ətraflı məlumat üçün: www.yarat.az; (012) 505 1414

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.