Mədəniyyət

Anna Netrebko və Yusif Eyvazov Özbəkistan Böyük Teatrında çıxış edəcəklər

14 İyul 2017 20:58
1 Şərh     Baxış: 999

Rusiyanın Xalq Artisti Anna Netrebko (soprano) və Azərbaycanın Əməkdar Artisti Yusif Eyvazov (tenor) iyulun 24-də Əlişir Nəvai adına Özbəkistan Dövlət Akademik Böyük Teatrında çıxış edəcəklər.

Milli.Az AZƏRTAC-a istinadən bildirir ki, konsert proqramında, həmçinin Lüdovik Tizye (baritone, Fransa) və Yelena Jidkovanın (metso-soprano, Rusiya) çıxışı nəzərdə tutulur. Özbəkistan Milli Simfonik Orkestrinə Denis Vlasenko (Rusiya) dirijorluq edəcək.

Dünya operasının ulduzu Anna Netrebko yaddaqalan obrazlar yaratmaqla yanaşı, konsert proqramları ilə də çıxış edir. Onun solo diskləri bestsellerə çevrilib. Musiqiçi haqqında çəkilmiş sənədli filmlər Avstriya, Danimarka, Almaniya, Rusiya və İsveçrədə nümayiş etdirilib.

Karyerasına İtaliyanın teatr və konsert zallarında başlayan Y.Eyvazov 2008-ci ildə Milanda Opera Müğənniləri Beynəlxalq Müsabiqəsinin Qran-pri mükafatına layiq görülüb. O, 2012-ci ildə Bakıda Vokalçıların Bülbül adına VI Beynəlxalq müsabiqəsinin qalibi olub. Y.Eyvazovun adı "Dünyanın ən yaxşı tenorları" kitabına daxil edilib.

Milli.Az

Система Orphus * Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Şərh yaz:

1 Şərh:

  • Anonim
    Sevil ***** · 14 İyul 22:3720

    Gözəl cütlük ..möhtəşəm çıxışlar .

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.