Mədəniyyət

Beynəlxalq Muğam Mərkəzi yeni möhtəşəm "Etnik musiqi inciləri" layihəsini təqdim etdi

19 İyun 2017 18:06
Baxış: 386

17 İyun Beynəlxalq Muğam Mərkəzində  "Etnik musiqi inciləri" adlı yeni layihə təqdim edildi.

Tədbir Azərbaycan və Rumıniya ölkələrinin diplomatik əlaqələrinin 25 illiyinə həsr olunmuşdu.

Milli.Az bildirir ki, səhnəyə Rumıniyanın Bakıdakı səfiri Dan Lanku çıxaraq iki ölkə arasında olan diplomatik fəaliyyət və davam edən mədəni və siyasi əlaqələrdən danışdı.

Sonra Rumıniyadan gələn ifaçılar Diana Lavriç Parqel və Daniel Pop öz milli musiqilərini təqdim etdilər.Hər iki musiqiçinin ifasında Rumın kəndlisinin  məhəbbəti, eşqə sədaqəti, kədəri və sevinci musiqi vasitəsilə əks etdirildi.

İfaçı Diana Lavriç Parqel əslən Rumıniyalıdır.O,Cobza (kiçik ud) alətində əsasən rumın xalq mahnılarını ifa edir.

Daniel Pop isə  fleyta, truba və volinkada ifa edir. Onun repertuarına XIX əsr etnik rumın musiqisi ilə müasir musiqinin sintezi daxildir. Qeyd edək ki, hər iki ifaçının Bakıya ilk səfəridir.

Daha sonra səhnəyə Azərbaycan muğam ifaçıları  Hüseyn Məlikov (xanəndə), Əməkdar artist Sahib Paşazadə (tar), Əməkdar artist Togrul Əsədullayev (kamança), Emin  Cəbrayıl (nağara) çıxaraq Rumıniya ifaçıları ilə birlikdə çıxış etdilər.

Gecədə qonaq qismində ABŞ, Meksika, Fransa, Moldova , İsrail və digər səfirliklərin Bakıdakı nümayəndələri iştirak edirdilər. Tədbir etnik musiqisevərlər tərəfindən böyük maraqla və gur  alqışlarla qarşılandı.

Beynəlxalq Mugam Mərkəzinin təqdim etdiyi bu möhtəşəm layihə,Azərbaycan musiqiçiləri və digər olkələrin musiqiçiləri ilə təşkil edəcəyi sintez etnik konsertlər davamlı olcaq.

Milli.Az

Məqaləyə dair fotomateriallar:

Система Orphus * Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.