Mədəniyyət

Azərbaycanlı aktrisa Prezident Sarayında Ərdoğanla - FOTO

17 Mart 2017 10:55

0 Şərh Baxış: 2 391

Türkiyədə yaşayan əməkdar artist Məlahət Abbasova Rəcəb Tayyib Ərdoğanın xanımı Əminə Ərdoğanın təşkil etdiyi gecəyə qatılıb.

Milli.Az-ın axşam.az-a istinadən məlumatına görə, iş xanımlarının, sənət adamlarının və idmançıların qatıldığı ziyafət Prezident Sarayında baş tutub. M.Abbasova Ə.Ərdoğanla fotolarını sosial şəbəkədə paylaşıb.

Təəssüratlarını bölüşən aktrisa bildirib ki, birinci xanımla çoxlu söhbət edib:

"Tək azərbaycanlı aktrisa olaraq bu gecəyə dəvət olunmağım qürurvericidir. Çox gözəl söhbətimiz oldu. Həm TRT1-də yayımlanan "Sevda kuşun kanadında" serialından, həm də teatrdakı işlərimizdən söhbət etdik. Ən önəmlisi isə səhnələşdirdiyim "İblis" əsərinin təqdimatına mütləq gələcəyini söylədi. Söhbət üçün hörmətli Əminə Ərdoğana həm sənət insanı olaraq, həm də ölkəm adına təşəkkür edirəm".

Milli.Az