Mədəniyyət

“Kamera musiqisi axşamı” adlı konsert keçirilib - FOTO

10 Noyabr 2024 14:38

Baxış: 825

M.Maqomayev adına Azərbaycan Dövlət Akademik Filarmoniyasının Kamera və Orqan Musiqisi Zalının səhnəsində "Kamera musiqisi axşamı" adlı konsert keçirilib. Yarandığı gündən bugünədək sıralarından çoxsaylı ifaçılar keçən Kvartetin hər üzvü maraqlı dəsti-xətti ilə daim seçilmişdir.

Musiqili gecədə Simli Kvartetin ifasında W.A.Mozartın 19 saylı simli kvartet "Dissonans" (C-dur, K.465) və M.Ravelin simli kvartet (F-dur, op.35) əsərləri dinləyicilər tərəfindən maraqla qarşılandı.

Qeyd etmək lazımdır ki, Azərbaycan Dövlət Simli Kvarteti 1998-ci ildə yaradılıb. Repertuarı Azərbaycan və xarici bəstəkarların klassik və çağdaş əsərləri ilə zəngindir.Simli kvartetin tərkibi Nəzrin Aslanlı (I violin), Soltan Məmmədova (II violin), Azərbaycan Respublikasının Əməkdar artistləri Vaxtanq İmanov (viola) və Aleksey Miltıx (violonçel) kimi dəyərli ifaçılardan ibarətdir.

İnformasiya dəstəyi - Trend.Az, Day.Az, Milli.Az