Hadisə, Kriminal

Gözəllik salonlarından oğurluq edən şəxs saxlanıldı - 9000 manat... - VİDEO - FOTO

8 Noyabr 2018 18:28
4 Şərh     Baxış: 1 064

Səbail rayonunda yerləşən gözəllik salonlarından birindən orada müştəri olan qadının çantasından 9000 manat naməlum şəraitdə oğurlanıb.

Daxili İşlər Nazirliyindən Milli.Az-a verilən məlumata görə, zərərçəkən bu barədə Səbail Rayon Polis İdarsi 39-cu Polis Bölməsinə məlumat verən kimi oğurluq edən şəxsin axtarışlarına başlanılıb.

Həyata keçirilən əməliyyat-axtarış tədbiri nəticəsində qeyd edilən oğurluğu törətməkdə şübhəli bilinən əvvəllər məhkum olunmuş Tovuz rayon sakini Gülnarə Novruzova saxlanılıb və o, ifadəsində oğurluq etdiyini etiraf edib.

Saxlanılan şəxsin ərtafında həyata keçirilən əlavə əməliyyat tədbirləri ilə onun paytaxtın digər rayonlarında da gözəllik salonları və geyim dükanlarından oğurluqlar etdiyi məlum olub. Qeyd edək ki, G.Novruzova əsasən qadınların çox olduğu məkanlara müştəri kimi daxil olaraq orada digər şəxslərin şəxsi əşyalarını və pullarını qanunsuz olaraq ələ keçirib.

Qeyd olunan faktlarla bağlı Səbail Rayon Polis İdarəsinin İstintaq Şöbəsində Cinayət Məcəlləsinin müvafiq maddələri ilə cinayət işi başlanılıb, əməliyyat-istintaq tədbirləri davam etdrilir.

Gördüyünüz bu şəxsin digər cinayətlər törətməsi də istisna olunmur. Onun qanunsuz əməllərindən zərərçəkən başqa vətəndaşlar varsa bu barədə Daxili İşlər Nazirliyinin "102" Zəng Mərkəzinə və ya Səbail Rayon Polis İdarəsi, eləcə də 39-cu Polis Bölməsinə müraciət edə bilərlər.

Milli.Az

Videonu izləmək üçün şəklə klikləyin:
Gözəllik salonundan 9 min manat oğurladı

Məqaləyə dair fotomateriallar:

loading...

Şərh yaz:

4 Şərh:

  • Anonim
    Fariz · 8 Noyabr 18:4000

    gozelliye bir bax..... cox heyif ki bu yolu tutmusan cox heyiffff

    Cavab yaz
  • Anonim
    Aygun · 8 Noyabr 19:5900

    Utansinda

    Cavab yaz
  • Anonim
    Aygun · 8 Noyabr 20:0100

    Utansinqadin

    Cavab yaz
    • Anonim
      $.$.$. · 8 Noyabr 20:1800

      Utansaydı etməzdi. Bunlar öyrəncəlidir. Xəbərlərdə veriblər avtobuslarda da cibgirlik edənlər tutulub. Saq olsun polisimiz və urəkli oqullar.Qadınların sumkasından pulları calan oqrular nəhayət ki tutuldu.

      Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.