Şəki Ağır Cinayətlər Məhkəməsində qətl törətməkdə təqsirləndilən Zaur Layicovun cinayət işi üzrə məhkəmə başlayıb.
Milli.Az APA-ya istinadən bildirir ki, hakim Bilal Məmmədovun sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib.
Məhkəmə baxışı qeyri-müəyyən günə qədər təxirə salınıb.
Qeyd edək ki, hadisə ötən il Balakən rayonunda baş verib. Rayonun Hənifə kənd sakini, 1979-cu il təvəllüdlü Layicov Zaur Şamil oğlu Qazma kənd sakini, 1994-cü il təvəllüdlü Balayev Elvin Eynulla oğlu ilə mübahisə edib. Z.Layıcov E.Balayevdən 6 manat borcunu istəməsinə görə aralarında mübahisə yaranıb. Mübahisə nəticəsində Z.Layıcov özü ilə gətirdiyi bıçaqla E.Balayevi bıçaqlayıb. Yaralı xəstəxanaya aparılarkən yolda ölüb.
Milli.Az