Kriminal

Arvadına çoxsaylı bıçaq vurdu, öldüyünə əmin olmaq üçün boğazını kəsdi

12 İyul 2019 23:05
2 Şərh     Baxış: 3 272

Bakı Ağır Cinayətlər Məhkəməsində qəsdən adam öldürməkdə təqsirləndirilən Tufan Qurbanovun cinayət işi üzrə hazırlıq iclası keçirilib.

Milli.Az Trend-ə istinadən bildirir ki, hakim Cavid Hüseynovun sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib, məhkəmənin baxış iclası iyulun 19-na təyin edilib.

İttihama görə, bu ilin fevral ayında paytaxtın Binəqədi rayonunda 1970-ci il təvəllüdlü Tufan Baba oğlu Qurbanov qısqanclıq zəminində həyat yoldaşı, 1979-cu il təvəllüdlü Lalə Həsən qızı Qurbanovanı çoxsaylı bıçaq xəsarətləri ilə qətlə yetirib.

O, istintaqa verdiyi ifadəsində törətdiyi cinayəti etiraf edib. Bildirib ki, qətli qısqancliq zəminində törədib. Tufan Qurbanovun ifadəsinə görə, həyat yoldaşının başqa şəxslərlə münasibətinin olduğundan şübhələnib və əsəblərinə hakim ola bilməyərək onu öldürmək qərarına gəlib. O, evdə arvadına çoxsaylı bıçaq zərbələri endirib və onun öldüyünə əmin olmaq üçün boğazını kəsib.

Qeyd edək ki, onların birgə nikahdan 3 övladı var.

T.Qurbanova Cinayət Məcəlləsinin 120.2.11-ci (xüsusi amansızlıqla qəsdən adam öldürmə) maddəsi ilə ittiham verilib.

Milli.Az

loading...

Şərh yaz:

2 Şərh:

  • Anonim
    Allah bendesi · 13 İyul 00:2330

    Belə pozğun idi arvadın üç uşaq niyə doguzdururdun. ikincisi de teze adət yaranıb alkasliqdan yada kasıblıqdan dalasirlar öldürürlər arvadların biqeyretler sonrada az iş almaq üçün deyirlər başqasıyla münasibəti olub. Dnt eləsinlər uşaqlar üçü də ondandirsa ömürlük həbs. Özü türməyə arvad qəbrə barı uşaqlarının xeyrinə kişi ol deme ki namusa gore

    Cavab yaz
  • Anonim
    F.S.D. · 13 İyul 11:0320

    Yazıq uşaqlar(( hər ki valideynindən oldular indi hansına inanıb hansına inanmasınlar axı onlar üçün hər ikisi valideyndir. Belə xəbərlərə inanmır.Arvadı gəzən kişilərin arvadı öldürməyə gücü çatmır. Bizim qonşuluqda narkoman qardaş işdə, qonşuluqda tərbiyyəli, əxlaqlı qız kimi tanıdığı bacısını bıçaqlayıb öldürdü adını namus üstündə qoydu. Bacı bu dəfə ona öldürsədə pul verməyəcəyini demişdi.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.