Kriminal

Bakıda kişi ona ərə getmək istəməyən qadını öldürüb - TƏFƏRRÜAT

19 Aprel 2019 19:19
2 Şərh     Baxış: 3 216

Bakıda qadını qətlə yetirməkdə təqsirləndirilən Zəfər Mərdanov Apellyasiya məhkəməsinə şikayət edib.

Milli.Az ölkə.az-a istinadən xəbər verir ki, təqsirləndirilən şəxsin şikayəti ilə bağlı məhkəmə baxış iclası aprel ayının 22-də hakim Namiq Məmmədovun sədrliyi ilə keçiriləcək.

İttihama görə, ötən il avqustun 10-da Xəzər rayonunun Buzovna qəsəbəsi ərazisində 1994-cü il təvəllüdlü Səkinə Hümbətova bıçaqla qətlə yetirilib.

Polis və prokurorluq orqanları əməkdaşlarının keçirdikləri istintaq-əməliyyat tədbirləri nəticəsində qətlin Ağsu rayon sakini, əvvəllər məhkum olunmuş Zəfər Mərdanov tərəfindən törədilməsi, onun Bakı şəhər sakini Zülfiyyə Şiriyeva ilə birgə sonuncuya məxsus "Mitsubishi" markalı avtomobildə hadisə yerinə gəlmələri və sonradan həmin nəqliyyat vasitəsini Şağan qəsəbəsi ərazisində ataraq getmələri də müəyyən edilib.

Həyata keçirilmiş tədbirlərlə ağır cinayət hadisəsini törətməkdə şübhəli bilinən Zəfər Mərdanov tutularaq istintaqa cəlb olunub.

İstintaq həmçinin müəyyən edib ki, cinayətin səbəbi Səkinə Hümbətovanın Zəfər Mərdanova ərə getməkdən imtina etməsidir.

Səkinə Hümbətovanın azyaşlı övladı qalıb.

Görülmüş tədbirlərlə Zülfiyyə Şiriyeva da saxlanılıb.

Onun əməlləri Cinayət Məcəlləsinin 307-ci (cinayət barəsində xəbər verməmə və ya qabaqcadan vəd etmədən cinayəti gizlətmə) maddəsinə tövsif edilib.

Qeyd edək ki, Bakı Ağır Cinayətlər Məhkəməsində hakim Samir Əliyevin sədrliyi ilə baş tutan prosesdə təqsirləndirilən şəxsə hökm oxunub.

Zəfər Mərdanov 18 il müddətinə azadlıqdan məhrum edilib.

Milli.Az

loading...

Şərh yaz:

2 Şərh:

  • Anonim
    Esra Ibrahimli(Samaxi) · 19 Aprel 21:4361

    Qələt edib 2 əliynen 1 aqziynan apelyasiyaya sikayet edib.. 18 il hele azdi bu vicdansiza ömürlük verilmelidi Alcaqin balasi xalxın qizin niye öldürürsen nə hakla..Başına daş düşsün selamet cixmasin İnsallah Meyidi cixsin

    Cavab yaz
    • Anonim
      Ququ · 20 Aprel 06:0300

      Qıznan əvvəı sevgili olufdu básqa xəbərdə oxudum

      Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.