Kriminal

Bacısını evdə yad kişi ilə tutdu, ikisini də öldürdü - Göygöldə qanlı cinayət

26 Mart 2019 17:41

13 Şərh Baxış: 4 366

#MƏHKƏMƏ #QƏTL

İki nəfəri qətlə yetirməkdə təqsirli bilinən Tağıyev Vüsal Tağı oğlunun cinayət işi baxılması üçün məhkəməyə göndərilib.

Milli.Az ölkə.az-a istinadən bildirir ki, məhkəmə baxış iclası aprel ayının 1-də Gəncə Ağır Cinayətlər Məhkəməsində hakim Dadaş İmanovun sədrliyi ilə keçiriləcək.

Qeyd edək ki, hadisə 2018-ci ilin avqust ayında Göygöl şəhərində Nəriman Nərimanov küçəsində yerləşən evlərdən birində baş verib. Gəncədə yaşayan 1989-cu il təvəllüdlü Tağıyev Vüsal Tağı oğlu sözügedən ünvanda yaşayan 1992-ci il təvəllüdlü bacısı Tağıyeva Vüsalə Tağı qızını və onunla bir evdə olan Goranboy rayon Səmədabad kənd sakini, 1998-ci il təvəllüdlü Əliyev Nurlan Saləddin oğlunu bıçaqlayaraq qətlə yetirib. Cinayəti törədən V.Tağıyev şübhəli şəxs qismində saxlanılıb. İlkin məlumata görə, Vüsalə Tağıyeva həyat yoldaşından boşanıb və bir azyaşlı övladı ilə yaşayırmış. Hadisə qadın Nurlan Əliyevlə yaşadığı evdə görüşən zaman baş verib. Həmin zaman qardaşı onun evinə gələrək qətli törədib.

Milli.Az