Evlərdən oğurluq edən ustalar saxlanılıb.
Milli.Az ARB TV-yə istinadən xəbər verir ki, Abşeron rayonunun Fatmayi kəndində yeni tikilən evlərdən oğurluq edilməsi ilə bağlı rayon polis idarəsinin Mehdiabad polis bölməsinə məlumat daxil olub.
Dərhal mənzillərə baxış keçirilib. Araşdırma zamanı həmin evlərdən birində usta işləyən 39 yaşlı Məmməd Əliyev və dostu 36 yaşlı Natiq Şükürov saxlanılıblar. Onlar 5 mənzildən müxtəlif tikinti materialları oğurladıqlarını etiraf ediblər.
Məmməd Əliyev - Saxlanıla şəxs: "Fatmayidə bağ evində işləyirdim. Dostum gəlib təklif etdi ki, filan yerdə filan şeylər var. Gəl onları götürək. Dostuma qoşulub gedib həyətdən armatur, dəmir çıxardıq. 50-100 manata satdıq".
Natiq Şükürov - Saxlanılan şəxs: "Dostumla bərabər evə girdik, generator, qaz balonu, işıq spotları vardı, onları götürdük".
Faktla bağlı Abşeron Rayon Polis İdarəsində cinayət işi açılıb. Araşdırmalar davam etdirilir.
Milli.Az