Kriminal

Gürcüstan həbsxanalarında 92 Azərbaycan vətəndaşı saxlanılır

12 Oktyabr 2018 13:56
0 Şərh     Baxış: 794

Gürcüstan həbsxanalarında Azərbaycan vətəndaşı olan 92 nəfər saxlanılır. 

Milli.Az report-a istinadən xəbər verir ki, bu barədə Gürcüstanın Ədliyyə Nazirliyinin cari ilin avqust ayı üzrə hesabatında bildirilib.

Qonşu ölkədə həbs cəzası çəkən Azərbaycan vətəndaşlarının 18-i təqsirləndirilən şəxs, 74-ü isə məhkumdur. Təqsirləndirilənlərin 16-sı kişi, 2-si qadın, məhkumların isə 67-si kişi, 7-si qadındır.

Gürcüstanın cəzaçəkmə müəssisələrində saxlanılan əcnəbilərin 16,1%-ni Azərbaycan vətəndaşları təşkil edir.

Qonşu ölkədə 45 ölkənin, ümumilikdə, 572 vətəndaşı cəza çəkir. Onların arasında Türkiyə vətəndaşları (132 nəfər) birinci yeri tutur.

Gürcüstanın cəzaçəkmə müəssisələrində saxlanılan Rusiya vətəndaşlarının sayı 66, İran vətəndaşlarının sayı 96, Ermənistan vətəndaşlarının sayı isə 29 nəfərdir. 

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.