Kriminal

Bakıda ətir alveri ilə məşğul olan şəxslər arasında bıçaqlanma - VİDEO

20 İyun 2018 21:40
1 Şərh     Baxış: 2 299
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Bakıda ətir alveri ilə məşğul olan şəxslər arasında başlayan dava bıçaqlanma ilə sona çatıb.

Milli.Az bildirir ki, ağır cinayət Bakıda, Nərimanov rayonu ərazsində baş verib. Həmin dava anı ərazidəki təhlükəsizlik kameralarına da düşüb.

Kadrlardan aydın olur ki, 4 nəfər olan şəxslərdən ikisi mübahisə edir. Digər iki nəfər isə onları sakitləşdirmək istəyir.

Məlumata görə, dava edən şəxslər həmin ərazidə ətir biznesi ilə məşğul olan şəxslərdir. Onların mübahisəsi qiymətin baha olması üstündə yaranıb. Daha sonra mübahisə əlbəyaxa davaya keçib. Dava edən şəxslərdən biri qaçaraq maşınında bıçağı götürüb və qarşısına çıxan şəxsə xəsarət yetirib.

Nərimanov rayon Polis İdarəsindən verilən məlumata görə, dava plastik ətriyyat qabları istehsal edən sexin qarşısında baş verib. Dava edənləri sakitləşdirmək istəyən İran vətənaşına bıçaq xəsarəti yetirilib. Hazırda iranlını bıçaqlayan şəxsin tutulması istiqamətində əməliyyat-axtarış tədbirləri görülür.

Paytaxtın Nizami rayonunda isə oğlan sevdiyi qızı bıçaqlayaraq qətlə yetirib.

Hadisə metronun ''Qara Qarayev'' stansiyası yaxınlığında baş verib. Məlumata görə, 22 yaşlı İlahə Həsən qızı Yusubova oğlan tanışı (adı hələki açıqlanmayan şəxs) tərəfindən küçədə bıçaqlanaraq qətlə yetirilib. Qətli törədən şəxs hadisə yerindən qaçıb. İlkin məlumata görə, hadisəni törədən oğlan İlahə Yusubovanı sevirmiş. O, qızın sevgisini qazana bilmədiyi üçün belə bir addım atıb.

Faktla bağlı Nizami rayon Prokurorluğu tərəfindən cinayət işi başlanıb, hazırda oğlanın tutulması istiqamətində əməliyyat keçirilir. /xezerxeber.az

Milli.Az

Videonu izləmək üçün şəklə klikləyin:
Bakıda ətir alveri ilə məşğul olan şəxslər arasında bıçaqlanma

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.