Kriminal

Azərbaycanlı iş adamı arvadını yad kişi ilə cinsi əlaqəyə məcbur etdi - VİDEO - FOTO

21 May 2018 11:28
44 Şərh     Baxış: 33 281
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Azərbaycanlı iş adamı "Yenidən evlənək" bəhanəsi ilə evə qaytardığı keçmiş həyat yoldaşını yad kişilərlə yatmağa məcbur edib. Qadın qəbul etməyincə, 2 uşağının gözü önündə saçlarından sürüyərək 11-ci mərtəbədən atmağa çalışıb.

Milli.Az Haberler-ə istinadən xəbər verir ki, keçmiş ərinin əlindən qurtulan və iki uşağıyla ortalıqda qalan qadına bina sakinləri sahib çıxıblar.

Bakıda yaşayan 30 yaşlı orta məktəb müəllimi Sevinc Kərimova 5 il öncə əri - reklam agentliyi sahibi Elmir A.-dan (34) şiddət gördüyü üçün ayrılıb. Türkiyədə yaşayan Elmir A. bir ay öncə "Her şey çox gözəl olacaq sənin üçün. Uşaqlarıma baxacağam, sizin yanınızda olacağam" deyərək gənc qadını 8 və 6 yaşlı 2 uşağıyla birlikdə Antalyaya gətirib.

EVƏ GƏTİRDİYİ ŞƏXSLƏRLƏ CİNSİ ƏLAQƏDƏ OLMAĞA MƏCBUR ETDİ

Muratpaşa qəsəbəsinə köçən Elmir A. iddiaya görə, keçmiş arvadını evə gətirdiyi kişilərlə cinsi əlaqədə olmağa məcbur edib. Otağa girib qapını bağlayan Sevinc təcavüzdən xilas olub, amma şiddət görməyə başlayıb.

TƏKLİFİ QƏBUL ETMƏYƏN QADINI 11-İNCİ MƏRTƏBƏDƏN ATMAĞA ÇALIŞDI

Elmir A. fahişəlik etmək istəməyən qadını iki uşağının gözü önündə dəfələrlə yumuruqlayıb, saçından sürüyərək 11-inci mərtəbədəki mənzilin eyvanından atmağa çalışıb.

KONSULLUQ AZƏRBAYCANA GÖNDƏRMƏYİNCƏ POLİSDƏN KÖMƏK İSTƏDİ

Keçmiş ərindən xilas olub, qonşularına sığınan Kərimova Azərbaycanın Antaliya və İstanbul Konsulluğu ilə əlaqə saxlayaraq başına gələnləri danışıb. Ölkəsinə qayıtmaq üçün kömək istəyən qadın "Bizim belə bir səlahiyyətimiz yoxdur" cavabı alıb. Bundan sonra polis idarəsinə gedərək keçmiş ərindən şikayət edib. Azərbaycanlı qadının mühafizə edilməsi, Elmir A. haqqında da uzaqlaşdırılma qərarı verilib.

ELMİRİN BAŞQA BİR QADINLA EVLİ OLDUĞU ORTAYA ÇIXDI

Etdiyi şiddətdən sonra qaçan Elmir A.-nın Türkiyədə Azərbaycan vətəndaşı olan başqa bir qadınla evli olduğu ortaya çıxıb. Haqqında araşdırma qərarı verilən Elmir A. bu dəfə telefonla keçmiş arvadının ailəsinə zəng edib, Sevinc Kərimovanı öldürməklə təhdid edib.

"ÇƏNƏMİ VƏ DİŞİMİ QIRMIŞDI, 1 İL HƏBSDƏ YATDI"

Bədənindəki xəsarətlərlə iki uşağıyla ortada qalan Kərimovaya isə qonşuları sahib çıxıb. Öz aralarında pul toplayaraq avtobus bileti alan bina sakinləri qadını Bakıya yola salıblar.

Yaşadığı qorxu dolu günlərdən danışan Sevinc Kərimova "Keçmiş ərimlə məni tez-tez döydüyü üçün ayrılmışdıq. Çənəmi və dişimi qırmışdı. Buna görə də Azərbaycanda bir il həbsdə yatmışdı. Bir ay öncə yanımıza gələrək "Sizin yanınızda olacam. Uşaqlarıma baxacam. Hər şey çox gözəl olacaq, əşyalarını sat Antalyaya gedək" dedi. Bir qadın xoşbəxt olmağı, uşaqlarının analı-atalı büyüməsini istəyər. İnandım, gəldim, amma bir müəllim olaraq danışmağa utandığım hadisələrlə qarşılaşdım" deyib.

"FAHİŞƏLİK ETMƏYİM ÜÇÜN EVƏ ADAM GƏTİRİNCƏ UŞAQLARIMLA OTAĞA SIĞINDIQ"

Keçmiş ərinin ilk olaraq özü ilə gətirdiyi 4 min dolları əlindən aldığını deyən Sevinc Kərimova "Mənə "Sən buraları tanımırsan, pulu mənə ver dəyişdirib, gətirim" dedi. Pulu verdim, amma geri qaytarmadı. Evə heç nə almırdı. İki gün sonra telefonla bir nəfərlə danışdı. Mənə "Qonaq gələcək. Onu yaxşı əyləndir.

Gülər üzlə qarşıla" dedi. Qohumudur sandım. Evə tanımadığım bir kişi gətirdi, özü getdi. Kişi evdə alt paltarıyla gəzməyə başladı, mənə qəribə-qəribə baxmağa başlayınca, uşaqlarımı da götürüb otağa girib, qapını bağladım" deyib.

QONŞULARI KÖMƏK EDİB, BAKIYA YOLA SALDILAR

Keçmiş ərinin evə başqa günlərdə də yad kişilər gətirməyə başladığını və buna görə dalaşdıqlarını bildirən Kərimova "Qollarımdan tutdu, yatağa atdı. Sonra üzərimə çıxıb var gücü ilə yumuruqladı. Ayaqlarıma təpiklə vurmağa başladı. Saçımdan sürüyərək eyvana apardı, məni aşağıya atmağa çalışdı. Bunların hamısı uşaqlarımın gözü önündə oldu. Əlindən xilas olub, qonşularıma sığındım. Polisə və konsulluğa zəng etdim, amma konsulluq kömək etmədi. Məni və ailəmi hələ də telefonla təhdid etməkdə davam edir" deyib.

Məhəmməd Vaqif
Milli.Az

Videonu izləmək üçün şəklə klikləyin:

Azərbaycanlı iş adamı arvadını yad kişi ilə cinsi əlaqəyə məcbur etdi

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.