Kriminal

Qadının yanına uzanıb 15 bıçaq vurdum” - Amansız qatilin etirafları - VİDEO

17 Aprel 2018 13:27
4 Şərh     Baxış: 4 389

Aprelin əvvəlində Beyləqanda törədilən qətl hadisəsinin üstü açılıb.

Milli.Az ARB TV-yə istinadən xəbər verir ki, aprelin 3-də DİN-in "102 Zəng Mərkəzinə" Beyləqan şəhərində yaşayan Ramilə Əsədovanın üzərində zorakılıq əlamətləri olan meyitinin yaşadığı mənzildə tapılması barədə məlumat daxil olub.

Məlumatla əlaqədar Beyləqan Rayon Polis Şöbəsi və prokurorluğunun əməkdaşları tərəfindən məhkəmə-tibb ekspertinin iştirakı ilə hadisə yeri və meyit müayinə olunub, maddi sübutlar götürülüb, digər təxirəsalınmaz prosessual hərəkətlər aparılıb. İsti izlərlə keçirilən istintaq və əməliyyat-axtarış tədbirləri nəticəsində cinayəti törətməkdə şübhəli bilinən Beyləqan şəhər sakini Rövşən Nəsirov saxlanılıb. Dindirilmə zamanı o, törətdiyi cinayət əməlini etiraf edib.

Rövşən Nəsirov (saxlanılan şəxs): "Həmin qadınla bir neçə dəfə əlaqəm olmuşdu. Tək qalırdı, evlərinə getdim. Uzananda mən də uzandım. 10-15 bıçaq vurub, evi soymaq istədim. 30 manat və sepi götürdüm".

Rövşən Nəsirovun ətrafında aparılan əməliyyat tədbirləri ilə onun törətdiyi digər ağır cinayətin də üstü açılıb. Belə ki, istintaq və əməliyyat-axtarış tədbirləri ilə R.Nəsirovun ötən il oktyabr ayının 19-da həmyerlisi Kənan Məhərrəmovu Beyləqan şəhərində yaşadığı evə apararaq bıçaqla qətlə yetirdiyi, sonra isə təmiri başa çatmamış otaqda torpağa basdırması müəyyən edilib. K.Məhərrəmovun meyiti basdırıldığı yerdən ekskumasiya edilib.

Rövşən Nəsirov: "Uzanıb üstünə, boğazına 8-9 bıçaq zərbəsi endirdim. Yarımtikili evin içərisində basdırdım".

Faktlarla bağlı cinayət işi başlanılıb, iş üzrə zəruri istintaq-əməliyyat tədbirləri davam etdirilir.

Milli.Az

Videonu izləmək üçün şəklə klikləyin:

"Qadının yanına uzanıb 15 bıçaq vurdum" - Amansız qatilin etirafları

Məqaləyə dair fotomateriallar:

loading...

Şərh yaz:

4 Şərh:

  • Anonim
    elvo · 17 Aprel 14:0830

    Sənin cəzavı.Allah.verəcək.

    Cavab yaz
  • Anonim
    KAMA · 17 Aprel 14:1230

    ALLAH BELAVI VERSUN

    Cavab yaz
  • Anonim
    H · 17 Aprel 15:1740

    Boyuvu yere soxum.şərəfsiz.iki neferin canini aldin.Allah belasini versin

    Cavab yaz
  • Anonim
    Elya · 17 Aprel 23:2700

    Anormala oxwuyur

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.