Kriminal

400 minlik toy edən ailədə dava düşüb - Məhkəmə - FOTO

16 Aprel 2018 17:34
10 Şərh     Baxış: 10 357

Bakıda xuliqanlıqda ittiham olunan Elşən Əsgərli və onun dostları Azər Nəsibov, Nuray Bayramlının cinayət işi üzrə məhkəmə prosesi başlayıb.

Milli.Az-ın lent.az-a istinadən məlumatına görə, Nərimanov Rayon Məhkəməsində hakim İslam Qurbanovun sədrliyi ilə baş tutan prosesdə təqsirləndirilən şəxslərin anket məlumatları dəqiqləşdirilib.

İttihama görə, Elşən Əsgərli tanışları - Azər Nəsibov və Nuray Bayramlı ilə birlikdə 7 yanvar 2017-ci il tarixdə paytaxtın Nərimanov rayonu, 2-ci Sülh döngəsi küçəsində keçmiş həyat yoldaşının hazırkı əri Oqtay Əhmədova qarşı xuliqanlıq ediblər.

İstintaq araşdırması zamanı Elşən Əsgərli və digər şəxslərin Oqtay Əhmədova qarşı xuliqanlıq etməsinə səbəbi məlum olub.

Elşən Əsgərli Oqtay Əhmədovun və əmisi Şahin Əhmədovun haqqında, eləcədə onların ailə üzvləri barəsində sosial şəbəkələrdə təhqiredici ifadələr işlətməklə, məlumatlar yayıb. 

Bununla bağlı Nərimanov rayonu, 2-ci Sülh döngəsi küçəsində Elşən Əsgərli tanışları Azər Nəsibov və Nuray Bayramlı ilə birlikdə həmin gün saat 18.30-da Oqtay Əhmədovla görüşüblər.

Görüş zamanı Oqtay Əhmədov Elşən Əsgərliyə hansı səbəbdən onun ailə üzvləri haqqında sosial şəbəkələrdə təhqiredici məlumatlar yaymaqla, onlardan əl çəkmədiyini, və əmisi Şahin Əhmədovu təhqir etdiyini bildirib.

Bu səbəbdən onların arasında mübahisə yaranıb. Mübahisə zamanı Elşən Əsgərli Oqtay Əhmədovun üz nahiyəsinə bir yumruq zərbəsi vurub.

Oqtay Əhmədovu vuran Elşən Əsgərli daha sonra Vaqif küçəsində olan  Azpetrol yanacaqdoldurma məntəqəsi istiqamətində qaçıb. Oqtay Əhmədov da idarə etdiyi avtomobillə onun arxasınca düşüb.

Yanacaqdoldurma məntəqəsinin yanında olan zaman Oqtay Əhmədov mübahisəsini davam etdirib.

Bu zaman Elşən Əsgərli uca səslə Oqtay Əhmədovun və onun ailə üzvlərinin ünvanına nalayiq ifadələr işlədib.

Elşən Əsgərli Oqtay Əhmədovu yenə də vurmaq istəyərkən hadisə yerinə gəlmiş polis əməkdaşları - İlkin Həbibov və Rəsul Ağayev onu sakitləşdirməyə çağırıblar, onun əl-qolunu tutaraq, Oqtay Əhmədovu yenə də vurmaq istəməsinə imkan verməyiblər.

Bu vaxt Elşən Əsgərlinin tanışları - Nuray Bayramlı və Azər Nəsibov münaqişəni sakitləşdirmək bəhanəsi ilə Oqtay Əhmədovu bir qədər kənara çəkiblər.

Orada Azər Nəsibov Oqtay Əhmədovun üz nahiyəsinə bir kəllə vurub.

Daha sonra Azər Nəsibov və Nigar Bayramlı zərbənin təsirindən yerə yıxılmış Oqtay Əhmədovun bədəninə müxtəlif nahiyələrinə zərbələr vurub. Həmin vaxt polis əməkdaşlarının əlindən çıxan Elşən Əsgərli Oqtay Əhmədova hücum edib, onun ailə üzvlərini nalayiq ifadələrlə söyüb.

Sonra Elşən Əsgərli Oqtay Əhmədovu döyməyə başlayıb. Baş verən hadisə zamanı Oqtay Əhmədov üz və bədən nahiyələrindən xəsarətlər alıb.

İstintaq orqanı tərəfindən Təqsirləndirilən şəxslərə qarşı Cinayət Məcəlləsinin 221.2.1-ci ( bir qrup şəxs tərəfindən və ya təkrar xuliqanlıq törətmək) və 221.2.2-ci (ictimai qaydanın qorunması üzrə vəzifəni yerinə yetirən və ya ictimai qaydanın pozulmasının qarşısını alan hakimiyyət nümayəndəsinə və ya digər şəxsə müqavimət göstərməklə) xuliqanlıq törətmək) maddələri ilə ittiham elan edilib. 

Qeyd edək ki, Elşən Əsgərli Bakı Lift İdarəsinin rəisi Qüdrət Şükürovun qızı Ayselin birinci əri olub. O, boşanandan sonra Oqtay Əhmədov ilə ailə qurub.

Qüdrət Şükürovun qızının ikinci dəfə keçirilən toyuna  400 min manatdan çox pul xərcləməsi barədə mətbuatda məlumatlar yayılıb.

Milli.Az

Məqaləyə dair fotomateriallar:

loading...

Şərh yaz:

10 Şərh:

  • Anonim
    Sara · 16 Aprel 17:5330

    Yene bawladi)

    Cavab yaz
  • Anonim
    Gacgin · 16 Aprel 18:0872

    Milli.az, bunlari Niye geje gunduz Reklam edirsiz???? VE KIME LAZIMDDIRLAR BUNLAR ???? Hansi gehremanliglarina gore ????

    Cavab yaz
  • Anonim
    Zz · 16 Aprel 18:2010

    Eeeeee yene bular?

    Cavab yaz
  • Anonim
    ? · 16 Aprel 18:5542

    Birinci ər nə istəyir? Boşanıbsan get öz həyatınl qur. Mərdimazarlıq nəyə lazımdı?

    Cavab yaz
    • Anonim
      $.$.$. · 16 Aprel 19:1521

      ayrılıbsan vəssəlam da. daha bu nə hoqqadır cıxardırsınız? pulun coxluqundan əl qol atmaqın hec bir xeyri yoxdur.

      Cavab yaz
      • Anonim
        ? · 16 Aprel 19:4411

        Birinci ərin və birinci arvadın sonradan həngamə qoparmağını anlamıram. Necə deyərlər Daldan atılan daş topuğa dəyər.

        Cavab yaz
        • Anonim
          ?-a · 16 Aprel 19:5600

          sevda bajina da vekillik eden senidin de

          Cavab yaz
          • Anonim
            ? · 16 Aprel 22:5100

            Sən dərdini de görüm, səni nədi belə yandıran? Neçə aydır əl çəkmirsən.

            Cavab yaz
  • Anonim
    $$$Yeraz · 16 Aprel 19:1521

    Yaxwi olardin bowanmazdi sennen. Indi xanimin oz ailesi var ne istiyirsen ay birinci er?

    Cavab yaz
  • Anonim
    Tt · 16 Aprel 20:0811

    birinci eri daha yaxsiymis

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.