Kriminal

Dünya çempionunu öldürən azərbaycanlı Dövlət Dumasını AYAĞA QALDIRDI

22 Avqust 2017 12:47
8 Şərh     Baxış: 3 501
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Rusiya Dövlət Dumasında "Ədalətli Rusiya" fraksiyasının sədr müavini Oleq Nilov Pauerliftinq üzrə dünya və Avropa çempionu Andrey Draçyovun qətli haqqında işin şəxsi nəzarətə götürülməsi xahişi ilə Rusiyanın baş prokuroru Yuri Çaykaya müraciət edib.

Bu haqda TASS informasiya agentliyi məlumat yayıb.
Oleq Nilov bildirib ki, davanın iştirakçılarından biri döyüş bacarıqlarına malik idi və bu vəziyyəti qəsdən öldürmə kimi xarakterizə etmək olar. Deputat, həmçinin şüursuz vəziyyətdə olan Draçyovun başına zərbələrin vurulmasına diqqət çəkib.

Xatırladaq ki, avqustun 20-də səhər Andrey Draçyov Xabarovskda kafenin qarşısında bir nəfərlə dalaşan zaman başından aldığı zərbə nəticəsində xəstəxanada ölüb. Rusiya KİV-inin yazdığına görə, A. Draçyovu öldürən şəxs Amur sakini olan, 1992-ci il təvəllüdlü Allahverənov Anar Əliyar oğludur.

Andrey Draçyovun qətlində şübhəli bilinən şəxs hazırda Uzaq Şərq federal dairəsinin bütün regionlarında polis tərəfindən axtarılır. Rusiya Daxili İşlər Nazirliyinin Xabarovsk üzrə idarəsinin KİV-lə əlaqələr üzrə mütəxəssisi Kiril Blinovun dünən verdiyi məlumata görə, hüquq-mühafizə orqanlarının əməkdaşları Uzaq Şərqin bütün nəqliyyat qovşaqlarına diqqətlə nəzarət edirlər. Qatili ağır cinayətlərin açılması üzrə ixtisaslaşan təcrübəli tədqiqatçıların komandası axtarır./Publika.az

Milli.Az

Digər maraqlı xəbərlər Milli.Az-ın Facebook səhifəsində

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.