Ölkə

Bayraq ucalığındakı şəhadət - VİDEO

12 Oktyabr 2021 18:54
0 Şərh     Baxış: 940
VTB-də minimal faiz dərəcəsi ilə nağd kredit 9.9%-dən
#VİDEO #ŞƏHİD

Şəhid Səid Rəşidzadənin anım günüdür

Milli.Az Real TV-yə istinadən bildirir ki, bu gün baş leytenant Səid Rəşidzadənin şəhid olmasından bir il ötür.

Səid Nofəl oğlu Rəşidzadə 1990-cı il yanvarın 28-də Füzuli rayonunun Horadiz qəsəbəsində anadan olub.

1996-2007-ci illərdə Nərimanov rayonu Sərhəddin Yolçuyev adına orta məktəbdə oxuyub.

2007-2011-ci illərdə Heydər Əliyev adına Ali Hərbi Məktəbdə təhsil alıb, 2011-ci ildən etibarən Azərbaycan Silahlı Qüvvələri sıralarında xidmət edib.

Səid Rəşidzadə 2016-cı il Aprel döyüşlərində Azərbaycanın Milli Qəhrəmanı, şəhid general Polad Həşimovun rəhbərliyi altında döyüşüb.

Səid bir neçə il əvvəl ordu sıralarından tərxis olunsa da, 2020-ci il sentyabrın 27-də könüllü olaraq döyüşlərə yollanıb. 2020-ci il oktyabrın 11-də Qarabağ uğrunda gedən döyüşlərdə qəhrəmancasına şəhid olan baş leytenant Səid Rəşidzadə Füzuli rayonunun Babı kəndində dəfn edilib. Prezidentin Sərəncamına əsasən, "Vətən uğrunda", "İgidliyə görə" və "Xocavəndin azad olunmasına görə" medalları ilə təltif olunub.

Qeyd edək ki, Səid Rəşidzadə Hadrutda Şişqaya yüksəkliyində, düşmən bayrağını endirib, Azərbaycan bayrağını sancan zaman qarşı tərəfin snayperi tərəfindən vurularaq şəhid olub. Ondan geriyə şəhid olmamışdan öncə ürəyində gəzdirdiyi, o, şəhid olduqdan sonra isə Hadrutun yüksəkliyində qürurla dalğalanan bayraq qalıb.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.