Ölkə

Həkimdən xəbərdarlıq: Ramazanda yoluxma arta bilər, ibadətlər onlayn olmalıdır - VİDEO

13 Aprel 2021 13:04

Baxış: 984

#CƏMİYYƏT #VİDEO

Ramazan ayı ilə əlaqədar vətəndaşların iftar süfrələrində və ibadətlərdə kütləvi toplaşması ehtimalı ictimaiyyətdə karantinin yenidən sərtləşdirilməsi barədə müzakirələrə səbəb olub.

Milli.Az bildirir ki, məsələ ilə bağlı "ARB Xəbər"ə açıqlama verən həkim Adil Qeybulla bildirib ki, hazırkı vəziyyət nəzərə alınaraq ibadətlərin onlayn olması məqsədəuyğundur:

"Orucluqda epidemioloji vəziyyətdən asılı olaraq karantin qaydaları sərtləşdirilə və ya yumşaldıla bilər. Hesab edirəm ki, məscidlərdə bütün ibadətlər onlayn olmalıdır. Ayinlərin də onlayn icra olunması mümkündür. Rəqəmsal rabitə buna imkan verir.

Koronavirusa yoluxmalar nə qədər çox olarsa, işimizə ziyan vuracaq sərtləşmələr olacaq, bundan da insanların özü əziyyət çəkəcək".

Din xadimləri də qapanmalara gedilməməsi üçün vətəndaşları kütləvi iftar süfrələrindən çəkinməyə və mümkün qədər təmasları azaltmağa səsləyib.

Milli.Az